ഐ.എസ്‌ഐയ്ക്ക് വേണ്ടി ചാരപ്രവർത്തനം; പൊഖ്രാൻ മേഖലയിലെ സൈനിക വിന്യാസം ചോർത്തി നൽകി; ചാരസുന്ദരിമാരെ ബന്ധപ്പെട്ടത് വ്യാജ അക്കൗണ്ടുകളിലൂടെ; പ്രേരിപ്പിച്ചത് നഗ്‌നചിത്രങ്ങളും സെക്‌സ് ചാറ്റുമെന്ന് ഹണിട്രാപ്പിൽ കുടുങ്ങിയ രാജസ്ഥാൻ സ്വദേശി
ന്യൂഡൽഹി : പാക്കിസ്ഥാന്റെ ഐ,എസ്‌ഐയുടെ ഹണിട്രാപ്പിൽ കുടുങ്ങിയ രാജസ്ഥാൻ സ്വദേശി സത്യനാരായൺ പലിവാൾ ചോർത്തിയത് സൈന്യത്തെ സംബന്ധിച്ച സുപ്രധാന വിവരങ്ങൾ. പൊഖ്രാൻ മേഖലയിൽ സേനയുടെ വിന്യാസവും നീക്കവും സംബന്ധിച്ച വിവരങ്ങളും നൽകിയതായാണ് മൊഴിയിൽ പറയുന്നത്.
സ്പെഷ്യൽ ബ്രാഞ്ച് സിഐ.ഡിയാണ് ജയ്‌സാൽമീറിലെ ലാത്തി സ്വദേശിയായ നാൽപത്തിരണ്ടുകാരൻ സത്യനാരായൺ പലിവാളിനെ പിടികൂടിയത്. സോഷ്യൽ മീഡിയയിലെ വ്യാജ അക്കൗണ്ടുകളിലൂടെയാണ് ഇയാൾ ചാരസുന്ദരിമാരുമായി ബന്ധപ്പെട്ടിരുന്നത്.ദീർഘനേരം ഇത്തരം സംഭാഷണങ്ങളിൽ ഇയാൾ ഏർപ്പെട്ടതായും കണ്ടെത്തിയിട്ടുണ്ട്.
കരസേനയുമായി ബന്ധപ്പെട്ട നിരവധി വിവരങ്ങൾ ഇയാളുടെ ഫോണിൽ കണ്ടെത്തിയതിനെ തുടർന്ന് കുറച്ച് കാലമായി ഇയാൾ നിരീക്ഷണത്തിലായിരുന്നു. ജയ്‌സാൽമീറിൽ വച്ചാണ് ഇയാൾ പിടിയിലായത്.
നഗ്‌നചിത്രങ്ങളോടുള്ള ഭ്രമമാണ് ചാരപ്രവർത്തനത്തിന് പ്രേരിപ്പിച്ചതെന്നാണ് ഇയാൾ നൽകിയ മൊഴി.ഐ.എസ്‌ഐയ്ക്ക് വേണ്ടി സംസാരിച്ച സ്ത്രീകളുടെ നഗ്‌നചിത്രങ്ങളും സെക്‌സ് ചാറ്റുമാണ് തന്നെ ചാരവൃത്തിക്ക് പ്രേരിപ്പിച്ചതെന്നാണ് ഇയാൾ പറഞ്ഞു.
