മലകയറാൻ ഉറച്ച് 26കാരി; നൂറോളം പൊലീസുകാരുടെ സഹായത്തോടെ സന്നിധാനത്ത് എത്താൻ തയ്യാറായി എത്തിയത് ഹൈദരാബാദിലെ മോജോ ടിവി പ്രതിനിധി; ചരിത്രം രചിക്കാൻ തയ്യാറെന്ന് പ്രഖ്യാപിച്ച് കവിതയുടെ പമ്പയിലെ വരവ്; നൂറോളം പൊലീസും കമാണ്ടോകളും സുരക്ഷിത പാതയൊരുക്കാൻ മാധ്യമ പ്രവർത്തകയ്‌ക്കൊപ്പം സന്നിധാനത്തേക്ക് പോകും; എന്ത് വില കൊടുത്തും സുപ്രീംകോടതി വിധി നടപ്പാക്കുമെന്ന് പൊലീസ്; ശബരിമലയിൽ സ്ത്രീ പ്രവേശനം ഇന്ന് സാധ്യമാകുമോ?
പമ്പ: ശബരിമലയെ സംഘർഷഭരിതമാകാൻ വീണ്ടും സാധ്യത. മല ചവിട്ടാൻ വീണ്ടും യുവതി പമ്പയിലെത്തി. ഹൈദ്രാബാദിൽ നിന്നുള്ള മോജോ ടിവി സംഘമാണ് പമ്പയിലെത്തിയിട്ടുള്ളത്. ചാനലിലെ റിപ്പോർട്ടറായ കവിതയാണ് മല കയറാൻ സന്നദ്ധത പ്രകടിപ്പിച്ചിരിക്കുന്നത്. 26കാരിയായ കവിതയെ പൊലീസ് സംഘം സന്നിധാനത്ത് എത്തിക്കുമെന്ന് പൊലീസ് സൂചന നൽകി. നൂറോളം പൊലീസും കമാണ്ടോകളും കവിതയെ അനുഗമിക്കും. ഇതിനുള്ള തയ്യാറെടുപ്പുകൾ പൊലീസ് നടത്തിക്കഴിഞ്ഞു. ഇതോടെ ശബരിമലയിലേക്ക് എത്താൻ ശ്രമിക്കുന്ന രണ്ടാമത്തെ മാധ്യമ പ്രവർത്തകയായി മാറുകയാണ് കവിത. സന്നിധാനത്തും പമ്പയിലും ഭക്തർ കുറവാണ്. അതുകൊണ്ട് തന്നെ പ്രശ്‌നമില്ലാതെ കവിതയെ കൊണ്ടു പോകാനാകുമെന്നാണ് പൊലീസ് വിലയിരുത്തൽ. ശബരിമലയിൽ ദർശനത്തിനെത്തുന്ന യുവതികൾക്ക് കേരളം സുരക്ഷ ഉറപ്പാക്കണമെന്ന് കേരളത്തോട് കേന്ദ്രസർക്കാർ ആവശ്യപ്പെട്ടെന്ന് സൂചനകൾ എത്തിയിരുന്നു. കേന്ദ്ര ആഭ്യന്തരമന്ത്രാലയം കേരളത്തിനയച്ച കത്തിലാണ് നിർദ്ദേശമുള്ളത്. സുപ്രീംകോടതി വിധിയെത്തുടർന്നു കേരളത്തിലുടനീളമുണ്ടായ പ്രതിഷേധത്തിനിടെ ക്രമസമാധാനം ഉറപ്പ
പമ്പ: ശബരിമലയെ സംഘർഷഭരിതമാകാൻ വീണ്ടും സാധ്യത. മല ചവിട്ടാൻ വീണ്ടും യുവതി പമ്പയിലെത്തി. ഹൈദ്രാബാദിൽ നിന്നുള്ള മോജോ ടിവി സംഘമാണ് പമ്പയിലെത്തിയിട്ടുള്ളത്. ചാനലിലെ റിപ്പോർട്ടറായ കവിതയാണ് മല കയറാൻ സന്നദ്ധത പ്രകടിപ്പിച്ചിരിക്കുന്നത്. 26കാരിയായ കവിതയെ പൊലീസ് സംഘം സന്നിധാനത്ത് എത്തിക്കുമെന്ന് പൊലീസ് സൂചന നൽകി. നൂറോളം പൊലീസും കമാണ്ടോകളും കവിതയെ അനുഗമിക്കും. ഇതിനുള്ള തയ്യാറെടുപ്പുകൾ പൊലീസ് നടത്തിക്കഴിഞ്ഞു. ഇതോടെ ശബരിമലയിലേക്ക് എത്താൻ ശ്രമിക്കുന്ന രണ്ടാമത്തെ മാധ്യമ പ്രവർത്തകയായി മാറുകയാണ് കവിത. സന്നിധാനത്തും പമ്പയിലും ഭക്തർ കുറവാണ്. അതുകൊണ്ട് തന്നെ പ്രശ്‌നമില്ലാതെ കവിതയെ കൊണ്ടു പോകാനാകുമെന്നാണ് പൊലീസ് വിലയിരുത്തൽ.
ശബരിമലയിൽ ദർശനത്തിനെത്തുന്ന യുവതികൾക്ക് കേരളം സുരക്ഷ ഉറപ്പാക്കണമെന്ന് കേരളത്തോട് കേന്ദ്രസർക്കാർ ആവശ്യപ്പെട്ടെന്ന് സൂചനകൾ എത്തിയിരുന്നു. കേന്ദ്ര ആഭ്യന്തരമന്ത്രാലയം കേരളത്തിനയച്ച കത്തിലാണ് നിർദ്ദേശമുള്ളത്. സുപ്രീംകോടതി വിധിയെത്തുടർന്നു കേരളത്തിലുടനീളമുണ്ടായ പ്രതിഷേധത്തിനിടെ ക്രമസമാധാനം ഉറപ്പാക്കണമെന്നും കത്തിൽ നിർദ്ദേശമുണ്ട്. ക്രമസമാധാന പാലനം സംസ്ഥാനസർക്കാരിന്റെ ഉത്തരവാദിത്തമാണെന്ന് കത്തിൽ സൂചിപ്പിക്കുന്നുണ്ട്. സുപ്രീംകോടതി വിധി നടപ്പിലാക്കാൻ സംസ്ഥാനം നടപടി സ്വീകരിക്കണമെന്നും കേന്ദ്ര ആഭ്യന്തര മന്ത്രാലയം അയച്ച കത്തിൽ പറയുന്നു. ശബരിമലയിലെ യുവതീപ്രവേശത്തിനെതിരായ പ്രതിഷേധം നിലനിൽക്കുന്നതിനിടെയാണ് കേന്ദ്രത്തിന്റെ ഇടപെടലെന്നതാണ് ശ്രദ്ധേയം. വനിതകൾ ശബരിമലയിലേക്ക് എത്തുന്നത് തടഞ്ഞാൽ അത് കോടതിയലക്ഷ്യമാകും. ഈ സാഹചര്യത്തിലാണ് കേരളത്തിന് നിർദ്ദേശം അയച്ചതെന്നാണ് സൂചന. അതുകൊണ്ട് തന്നെ ഏത് യുവതികളെത്തിയാലും ശബരിമലയിലേക്ക് കൊണ്ടു പോകാനാണ് സംസ്ഥാന സർക്കാരിന്റേയും തീരുമാനം. എന്ത് വില കൊടുത്തും കോടതി വിധി നടപ്പാക്കുമെന്ന നിലപാടിലാണ് പൊലീസ്.
ഇന്നലെ ന്യൂയോർക് ടൈംസിന്റെ റിപ്പോർട്ടർ സുഹാസിനി രാജ് മലകയറാൻ എത്തിയിരുന്നു. എന്നാൽ മരക്കൂട്ടത്തെ പ്രതിഷേധത്തെ തുടർന്ന് അവർ തിരിച്ചു പോയി. ഇതിന് ശേഷം വലിയ സുരക്ഷാ ക്രമീകരണങ്ങളാണ് പൊലീസ് കാനനപാതയിൽ ഒരുക്കിയത്. ഈ സാഹചര്യത്തിലാണ് കവിത മല കയറാൻ സന്നദ്ധയായി എത്തിയത്. ഹൈദരാബാദിലെ മോജോ ടിവി ചാനലിലെ സഹപ്രവർത്തകരും കവിതയ്‌ക്കൊപ്പമുണ്ട്. തനിക്ക് 26 വയസേയുള്ളൂവെന്നും റിപ്പോർട്ടറായാണ് ശബരിമലയിലേക്ക് പോകാൻ ശ്രമിക്കുന്നതെന്നും കവിത വ്യക്തമാക്കി. എന്തു വന്നാലും സന്നിധാനത്തേക്ക് പ്രവേശിക്കുമെന്നാണ് കവിതയുടെ പക്ഷം. പൊലീസിനെ ഇക്കാര്യം അറിയിച്ചതോടെ സുരക്ഷ ഒരുക്കാമെന്ന് അവരും വ്യക്തമാക്കി.
അതിനിടെ സന്നിധാനത്ത് ഭക്തർ കുറവാണ്. പ്രതിഷേധക്കാരേയും പൊലീസ് തുരത്തിയിട്ടുണ്ട്. അതുകൊണ്ട് തന്നെ കവിതയ്ക്ക് ശബരിമലയിൽ വലിയ എതിർപ്പില്ലാതെ എത്താനാകുമെന്നാണ് വിലയിരുത്തൽ. പമ്പയിലും സന്നിധാനത്തുമെല്ലാം കനത്ത പൊലീസ് സുരക്ഷ ഒരുക്കിയിട്ടുണ്ട്. അതിനിടെ ശബരിമലയിലേക്ക് എത്താൻ നിരവധി സ്ത്രീകൾ പമ്പയിൽ എത്തുന്നുവെന്ന് സൂചനയുണ്ട്. കോഴിക്കോട്ടെ സൂര്യയും പമ്പയിലെത്തിയെന്നാണ് റിപ്പോർട്ട്. ശബരിമലയിലോ പമ്പയിലോ പ്രതിഷേധക്കാർ ആരുമില്ല. എല്ലാവരേയും പൊലീസ് മാറ്റിയിട്ടുണ്ട്. ഭക്തർ മാത്രമാണ് സന്നിധാനത്തും പമ്പയിലും ഉള്ളത്. അതുകൊണ്ട് തന്നെ സ്ത്രീകളുടെ മലകയറ്റം അനായാസമാകുമെന്നാണ് വിലയിരുത്തൽ.
ഈ സാഹചര്യത്തിൽ കൂടുതൽ പൊലീസിനെ സന്നിധാനത്തേക്ക് അയച്ചിട്ടുണ്ട്. കാനനപാതിയിൽ ഉടനീളം പൊലീസിനെ വിന്യസിക്കും. പ്രതിഷേധക്കാരെ അറസ്റ്റ് ചെയ്ത് മാറ്റും. അതിന് ശേഷം യുവതികൾക്ക് പാതയൊരുക്കാനാണ് നീക്കം. ഇത് ഭക്തരിൽ എന്ത് വികാരമുണ്ടാക്കുമെന്ന് വ്യക്തമല്ല. അതുകൊണ്ട് തന്നെ തുലാമാസ പൂജകൾക്ക് നട തുറന്ന് മൂന്നാം ദിവസവും സന്നിധാനവും പമ്പയും സംഘർഷഭരിതമാകുമെന്നാണ് സൂചന. ഇനിയും കൂടുതൽ വനിതകൾ പമ്പയിലെത്തിയാൽ അവർക്ക് വേണ്ടിയും സുരക്ഷ തുടരും. പൊലീസിനെ അറിയിച്ച ശേഷമേ യുവതികൾ മലകയറാവൂവെന്ന നിർദ്ദേശം പൊലീസും നൽകിയിട്ടുണ്ട്.
