അല്ലാഹുവിന്റെ ദൂതരെ നിന്ദിക്കുന്നവൻ വധിക്കപ്പെടണം; അല്ലാഹുവിന്റെ ദൂതരെ സ്‌നേഹിക്കുന്നവരുണ്ടെങ്കിൽ വിധി ജബ്രയിൽ നടപ്പാക്കണം; ഫ്രീ തിങ്കേഴ്‌സ് അഡ്‌മിനുമാർക്ക് ഭീഷണിയുമായി ബ്ലോഗ്; ഉറവിടം കണ്ടെത്താനായി അന്വേഷണം
തിരുവനന്തപുരം: വിമർശനം എന്ന പേരിൽ, തരം കിട്ടിയ അവസരത്തിൽ ഇസ്ലാമിനേയും അല്ലഹുവിന്റെ റസൂലിനേയും, ഉമ്മുൽ മുഅ'മിനിനുകളേയും പച്ചതെറിയും, അവഹേളനവും, ഇല്ലാകഥകളും പ്രചരിപ്പിച്ചാൽ വിവരമറിയുമെന്ന പരസ്യാഹ്വാനവുമായി ബ്ലോഗ്. അല്ലാഹുവിന്റെ ദൂതരെ നിന്ധിക്കുന്നവൻ വധിക്കപ്പെടണം. എന്നതിൽ ഉലാമാക്കൾക്കിടയിൽ ഇജ്മാ ഉണ്ട്. അത് നടപ്പാക്കാൻ ഒരു മുസ്ലിമിന് ആരുടേയും അനുമതി വേണ്ടാ. അല്ലാഹുവിന്റെ ദൂതരെ സ്‌നേഹിക്കുന്ന ആരെങ്കിലും ഉണ്ടെങ്കിൽ അല്ലാഹുവിന്റെ വിധി ജബ്രയിൽ നടപ്പാക്കൂവെന്നാണ് ആഹ്വാനം. ഫെസ്ബുക്കിലെ ഫ്രീതിങ്കേഴ്‌സ് ഗ്രൂപ്പ് അഡ്‌മിന്മാരെ ലക്ഷ്യമിട്ടാണ് ഭീഷണി. ഫേസ്‌ബുക്കിൽ മതവും മതവിശ്വാസവുമായി ബന്ധപ്പെട്ട് ഏറ്റവും കൂടുതൽ ചർച്ച നടക്കുന്നതും മതങ്ങളിലെ അനാചാരങ്ങളെ ശക്തിയുക്തം വിമർശിക്കുകയും ചെയ്യുന്ന ഗ്രൂപ്പാണ് ഫ്രീതിങ്കേഴ്‌സ്. ഈ ഗ്രൂപ്പിന്റെ അഡ്‌മിന്മാരുടെ ചിത്രം സഹിതമാണ് ബ്ലോഗിൽ ഭീഷണിയുള്ളത്. അല്ലാഹുവിന്റെ മാർഗത്തിൽ നിന്ന് ഉമ്മത്തിനെ പിഴപ്പിക്കുന്ന കുറച്ച് കുഫാറുകളും, മുർത്തദുകളുമാണ് മുകളിലേ ചിത്രത്തിലേതെന്ന് വി
തിരുവനന്തപുരം: വിമർശനം എന്ന പേരിൽ, തരം കിട്ടിയ അവസരത്തിൽ ഇസ്ലാമിനേയും അല്ലഹുവിന്റെ റസൂലിനേയും, ഉമ്മുൽ മുഅ'മിനിനുകളേയും പച്ചതെറിയും, അവഹേളനവും, ഇല്ലാകഥകളും പ്രചരിപ്പിച്ചാൽ വിവരമറിയുമെന്ന പരസ്യാഹ്വാനവുമായി ബ്ലോഗ്. അല്ലാഹുവിന്റെ ദൂതരെ നിന്ധിക്കുന്നവൻ വധിക്കപ്പെടണം. എന്നതിൽ ഉലാമാക്കൾക്കിടയിൽ ഇജ്മാ ഉണ്ട്. അത് നടപ്പാക്കാൻ ഒരു മുസ്ലിമിന് ആരുടേയും അനുമതി വേണ്ടാ. അല്ലാഹുവിന്റെ ദൂതരെ സ്‌നേഹിക്കുന്ന ആരെങ്കിലും ഉണ്ടെങ്കിൽ അല്ലാഹുവിന്റെ വിധി ജബ്രയിൽ നടപ്പാക്കൂവെന്നാണ് ആഹ്വാനം. ഫെസ്ബുക്കിലെ ഫ്രീതിങ്കേഴ്‌സ് ഗ്രൂപ്പ് അഡ്‌മിന്മാരെ ലക്ഷ്യമിട്ടാണ് ഭീഷണി.
ഫേസ്‌ബുക്കിൽ മതവും മതവിശ്വാസവുമായി ബന്ധപ്പെട്ട് ഏറ്റവും കൂടുതൽ ചർച്ച നടക്കുന്നതും മതങ്ങളിലെ അനാചാരങ്ങളെ ശക്തിയുക്തം വിമർശിക്കുകയും ചെയ്യുന്ന ഗ്രൂപ്പാണ് ഫ്രീതിങ്കേഴ്‌സ്. ഈ ഗ്രൂപ്പിന്റെ അഡ്‌മിന്മാരുടെ ചിത്രം സഹിതമാണ് ബ്ലോഗിൽ ഭീഷണിയുള്ളത്. അല്ലാഹുവിന്റെ മാർഗത്തിൽ നിന്ന് ഉമ്മത്തിനെ പിഴപ്പിക്കുന്ന കുറച്ച് കുഫാറുകളും, മുർത്തദുകളുമാണ് മുകളിലേ ചിത്രത്തിലേതെന്ന് വിശദീകരിച്ച് ഫ്രീ തിങ്കേഴ്‌സുകാരുടെ ചിത്രവും 'മുജാഹിർ 2015' എന്ന ബ്ലോഗിൽ പ്രദർശിപ്പിച്ചിട്ടുണ്ട്.
ജിഹാദിന്റെ യശസ് നിഷേധിച്ച ഇന്ത്യൻ മുസ്ലീങ്ങൾ എന്ന തലക്കെട്ടിൽ അഡ്‌മിൻ പാനലിലുള്ളവരുടെ ഫ്രീതിങ്കേഴ്‌സ ഫോട്ടോ ഉൾപ്പെടെയാണ് ഭീഷണി. ബ്ലോഗിന് പിന്നിൽ ആരാണെന്ന് ഇതുവരെ വ്യക്തമായിട്ടില്ല. ഭീകര സംഘടനയായ ഇസ്ലാമിക് സ്‌റ്റേറ്റുമായി ബന്ധമുള്ള ചിത്രങ്ങളാണ് ബ്ലോഗിന്റെ പിന്നിൽ നൽകിയിരിക്കുന്നതെന്നുള്ളത് സംഭവത്തിന്റെ ഗൗരവം വർദ്ധിപ്പിക്കുന്നു. ഇതു സംബന്ധിച്ച പരാതി പൊലീസിന് ലഭിച്ചിട്ടുണ്ട്. ഇവർ പരിശോധന തുടങ്ങിയിട്ടുണ്ട്. ഇസ്ലാം വിശ്വാസത്തെ വിമർശിക്കുന്നുവെന്ന് കാട്ടി തോക്കു സ്വാമിയുടെ ചിത്രം ബ്ലോഗിൽ നൽകിയിട്ടുണ്ടെങ്കിലും അദ്ദേഹത്തിനെതിരെ വധഭീഷണിയില്ല.
തോക്ക് സ്വാമിയുടേതായി വന്ന കടുത്ത വർഗ്ഗീയപരമായ പരാമർശങ്ങളടങ്ങിയ ഫേസ്‌ബുക്ക് പോസ്റ്റുകളാണ് ബ്ലോഗിൽ ഉൾപ്പെടുത്തിയിരിക്കുന്നത്. ഇന്ത്യയിൽ ഇസ്ലാമിന് നേരിടുന്ന അപമാനം വിശദീകരിക്കാനാണ് ഇത്. വിമർശനം എന്ന പേരിൽ മതത്തേയും മതവിശ്വാസത്തേയും അവേഹളിക്കുകയും സമുദായത്തിലുള്ള മറ്റുള്ളവരെക്കൂടി മതത്തിൽ നിന്നും അകറ്റുകയും ചെയ്യുന്ന ഇവരെപ്പോലുള്ളവർ സമൂഹത്തിൽ നെഞ്ചും വിരിച്ച് നടക്കുന്നത് സമുദായത്തിന്റെ പോരായ്മയാണെന്നും ബ്ലോഗിൽ പറയുന്നു. ദൈവവിശ്വാസമില്ലാത്തവർ ദൈവത്തിന്റെ ദൂതനെ തെറിവിളിച്ച് നടക്കുന്നുണ്ടെങ്കിൽ അത് സമുദായത്തിന്റെ കുഴപ്പമാണെന്നും അങ്ങനെയുള്ളവർ മരിക്കേണ്ടവരാണെന്നും ബ്ലോഗ് പറയുന്നു.
ഒരു സമൂഹം ജിഹാദിൽ നിന്ന് അകന്നു നിൽക്കുക എന്ന് വച്ചാൽ അല്ലാഹുവിന്റെ കാരുണ്യത്തിൽ നിന്നും അകന്നു നിൽക്കുക എന്ന് കൂടെയാണ് അർത്ഥം. ലോകത്ത് ഇതര മുസ്ലീങ്ങൾ ഉറക്കത്തിൽ നിന്ന് എണീറ്റ് ജിഹാദിലേക്ക് വരുബോൾ ഇന്ത്യൻ മുസൽമാന്റെ മാത്രം ഈ ഇബാദത്തിൽ നിന്ന് മാറി നിൽക്കുന്നത് ദയനീയമാണെന്ന് ബ്ലോഗ് പറയുന്നു.
