കളങ്കിതനായ ഫാഷൻ മൊഗൾ പീറ്റർ നൈഗാർഡ്, തന്റെ സ്വകാര്യജറ്റിൽ ഒരു 17 കാരിയുടെ നഗ്‌നനൃത്തം ആസ്വദിക്കുന്ന വീഡിയോ പുറത്തായി. 2012-ൽ ആണ് ഈ സംഭവം നടന്നതെന്ന് വീഡിയോ വ്യക്തമാക്കുന്നു. തന്റെ സ്വകാര്യ ജറ്റിൽ, ലൈംഗിക ബന്ധത്തിൽ ഏർപ്പെടാനായി പ്രത്യേകം സജ്ജീകരിച്ച കാബിനുള്ളിലാണ് ഇത് നടക്കുന്നത്. നിരവധി പെൺകുട്ടികളുമായി യാത്രയ്ക്കിടയിൽ ഇയാൾ ഈ കാബിനിൽ വച്ച് ലൈംഗികബന്ധത്തിൽ ഏർപ്പെടാറുണ്ട്.

നൈഗ്രാഡിന്റെ സ്വകാര്യ വീഡിയോഗ്രാഫറാണ് ഈ വീഡിയോ പുറത്തുവിട്ടത്. മൂന്നു വർഷത്തിലധികമായി നടന്ന വിവിധ സ്വകാര്യ സംഭവങ്ങളുടെ മണിക്കൂറുകൾ നീളുന്ന വീഡിയോ വ്യക്തമാക്കുന്നത് നൈഗ്രാഡിന്റെ ക്രൂര സ്വഭാവമാണ്. തന്റെ പെൺസുഹൃത്തുക്കളായി 16 വയസ്സ് പ്രായമുള്ള പെൺകുട്ടികളെ വരെ ഇയാൾ കണ്ടെത്തിയിരുന്നു. 79 കാരനായ നൈഗ്രാഡ് എല്ലാ ഞായറാഴ്‌ച്ചകളിലും നടത്താറുള്ള പാംപർ പാർട്ടി എന്നറിയപ്പെടുന്ന പരിപാടി വീഡീയോയിൽ പകർത്താനായിട്ടായിരുന്നു ആദ്യമായി സ്റ്റീഫൻ ഫെരാലിയോയെ നിയമിക്കുന്നത്.

എല്ലാ ഞായറാഴ്‌ച്ചകളിലും ഒരു അനുഷ്ഠാനം പോലെ നടക്കുന്ന ഈ പരിപാടിയിലേക്ക് നൈഗ്രാഡ് പെൺകുട്ടികളേയും സ്ത്രീകളേയും ക്ഷണിക്കും.ലോസ് ഏഞ്ചലസിലോ ബഹാമാസിലോ സ്വകാര്യ ബീച്ചുകളിൽ തിന്നും കുടിയും ഡാൻസും പാട്ടുമൊക്കെ ആയിട്ടായിരിക്കും ഈ പരിപാടി പൊടിപൊടിക്കുക. ഈ പരിപാടികൾക്കിടയിലാണ് നൈഗ്രാഡ് പുതിയ ഇരകളെ കണ്ടെത്തുക. തന്റെ കിടപ്പുമുറിയിലേക്ക് കൊണ്ടുപോകാൻ പാകത്തിൽ രണ്ടോ മൂന്നോ പെൺകുട്ടികളെ കണ്ടെത്തിയാൽ ഉടൻ വീഡിയോ പകർത്തുന്നത് നിർത്താൻ അയാൾ പറയുമായിരുന്നെന്ന് ഫെരാലിയോ പറയുന്നു.

2021-ലെ ലണ്ടൻ ഒളിംപിക്സിൽ പങ്കെടുത്ത ഒരു 16 കാരിയായ അത്ലറ്റിനെ നൈഗ്രാഡ് നോട്ടമിട്ട കഥയും ഫെരാലിയോ പറയുന്നു. അന്ന് നൈഗ്രാഡിനോടൊപ്പം ഉണ്ടായിരുന്ന ഒരു സ്ത്രീയോട് ആ പെൺകുട്ടിയുടെ നമ്പർ വാങ്ങിവരാൻ നെയ്ഗ്രാഡ് ആവശ്യപ്പെടുന്നത് ഫെരാലിയോ വീഡിയോയിൽ പകർത്തിയിരുന്നു. ഒരു ഡസനിലധികം സ്ത്രീകളെ ഒരു പതിറ്റാണ്ടുകാലത്തോളം ലൈംഗികമായി പീഡിപ്പിച്ചു എന്ന പരാതിയിൽ അമേരിക്കൻ വാറണ്ട് അനുസരിച്ച് കനേഡിയൻ പൊലീസ് അറസ്റ്റ് ചെയ്ത നെയ്ഗ്രാഡ് ഇപ്പോൾ കാനഡയിൽ തടവിലാണ്.

ആരോഗ്യസ്ഥിതി പരിഗണിച്ച് ജയിലിൽ നിന്നും മോചിപ്പിക്കണമെന്ന് ആവശ്യപെട്ടുകൊണ്ടുള്ള അയാളുടെ പരാതി കനേഡിയൻ കോടതി പരിഗണിക്കാനിരിക്കെയാണ് ഈ വീഡിയോ പുറത്തുവരുന്നത്. ഫാഷൻ മേഖലയിൽ തനിക്കുള്ള സ്വാധീനം കാണിച്ചായിരുന്നു ഇയാൾ സ്ത്രീകളേയും പെൺകുട്ടികളേയും വലയിലാക്കിയിരുന്നത്. മോഡൽ ആയോ മറ്റ് ഉയർന്ന ശമ്പളമുള്ള ജോലികളോ വാഗ്ദാനം ചെയ്തായിരുന്നു ഇയാൾ ഇരകളെ വീഴ്‌ത്തിയിരുന്നത്. അമേരിക്ക, ബഹാമാസ്, കാനഡ എന്നിവയുൾപ്പടെ നിരവധി സ്ഥലങ്ങളിലായി കഴിഞ്ഞ 25 വർഷക്കാലമായി 80 ൽ അധികം പെൺകുട്ടികളെ ഇയാൾ പീഡിപ്പിച്ചിട്ടുണ്ടെന്നാണ് റിപ്പോർട്ടുകൾ പറയുന്നത്.

ഫിൻലാൻഡിൽ ജനിച്ച നൈഗ്രാഡ് മാനിടോബയിലായിരുന്നു വളർന്നത്. തന്റെ പേരിൽ ഉള്ള വസ്ത്രനിർമ്മാണ കമ്പനികൾ വഴി കാനഡയിലെ ഏറ്റവും സമ്പന്നരായ വ്യക്തികളിൽ ഒരാളായി അയാൾ മാറി. 1995 മുതൽക്കുള്ള നിരവധി പീഡനകേസുകളിൽ പ്രതിയായതോടെ അമേരിക്ക പുറപ്പെടുവിച്ച വാറന്റിന്റെ അടിസ്ഥാനത്തിലാണ് കഴിഞ്ഞമാസം ഇയാളെ കാനഡ പൊലീസ് അറസ്റ്റ് ചെയ്തത്. ഇയാളുടെ ലൈംഗിക ആക്രമണത്തിന് വിധേയരായ സ്ത്രീകളിൽ ചിലർ പിന്നീട് ഇയാൾക്കുവേണ്ടി പെൺകുട്ടികളെ വലവീശിപ്പിടിക്കാനും രംഗത്തിറങ്ങിയിരുന്നു.

അതേസമയം ബഹാമസിലെ മറ്റൊരു ശതകോടീശ്വരനുമായുള്ള ഒരു വിരോധത്തിന്റെ പേരിൽ കെട്ടിച്ചമച്ച കഥകളാണ് ഇതെല്ലാം എന്നാണ് നെയ്ഗ്രാഡ് പറയുന്നത്. ചില വീഡിയോകളുടെ ഉടമസ്ഥാവകാശവുമായി ബന്ധപ്പെട്ട തർക്കങ്ങളാണ് ഈ കേസിൽ അവസാനിച്ചതെന്നാണ് നെയ്ഗ്രാഡിന്റെ പക്ഷം. ഇപ്പോൾ വീഡിയോ പുറത്തുവിട്ട വീഡിയോഗ്രാഫർ ഫെരാലിയോ തന്റെ ജീവനക്കാരനായിരിക്കുമ്പോൾ എടുത്ത വീഡിയോകളിൽ ചിലത് ഈ ശതകോടീശ്വരന് വിൽക്കുകയായിരുന്നു. ഇത് തിരികെ നേടാനുള്ള ശ്രമമാണ് ശതകോടീശ്വരനുമായുള്ള വഴക്കിൽ കലാശിച്ചത്.

ഫാഷൻ മൊഗൾ പീറ്റർ നൈഗാർഡ്

മറുനാടന്‍ മലയാളി

    മറുനാടന്‍ മലയാളി ബ്യൂറോ