കൊൽക്കത്ത: പശ്ചിമബംഗാളിലെ മാൾഡ ജില്ലയിൽ ഇടിമിന്നലേറ്റ് കുട്ടികളടക്കം പതിനൊന്ന് പേർ മരിച്ചു. മൂന്ന് കുട്ടികളടക്കം ആണ് മരിച്ചത്. രണ്ട് പേർ പരിക്കുകളോടെ ആശുപത്രിയിൽ ചികിത്സയിലാണ്.

മാൾഡയിലെ വിവിധയിടങ്ങളിലാണ് ഇന്ന് മിന്നലേറ്റ് അപകടം നടന്നത്. മണിക്ചക്, സഹാപൂർ, അദീന, ബാലുപൂർ, ഹരിശ്ചന്ദ്രപൂർ, ഇംഗ്ലീഷ്ബാസാർ എന്നിവിടങ്ങളിൽ നിന്നെല്ലാമുള്ളവരാണ് മരിച്ചവർ. ഇവരിൽ ദമ്പതികളും ഉൾപ്പെടുന്നു. ദമ്പതികൾ പാടത്ത് ജോലി ചെയ്യുന്നതിനിടെയാണ് മിന്നലേറ്റത്. മരിച്ചവരുടെ കുടുംബത്തിന് സർക്കാർ രണ്ട് ലക്ഷം വീതം സഹായധനം പ്രഖ്യാപിച്ചിട്ടുണ്ട്.