മാഹി പുന്നോലിൽ ബൈക്കും ലോറിയും കൂട്ടിയിടിച്ച് അപകടം; കൊയിലാണ്ടി സ്വദേശിയായ വിദ്യാർത്ഥി ഉൾപ്പടെ രണ്ടു പേർ മരിച്ചു

കണ്ണൂർ:മാഹി പുന്നോലിൽ വച്ച് ബൈക്ക് ലോറിയിലിടിച്ച് കൊയിലാണ്ടി സ്വദേശിയായ വിദ്യാർത്ഥി അതിദാരുണമായി മരണമടഞ്ഞു. പുത്തൻ കടപ്പുറം, ചെറിയ പുരയിൽ യദുലാലാ(17) ണ് മരിച്ചത്. ഞായറാഴ്ച വൈകുന്നേരം ന്യൂമാഹി പൊലീസ് സ്റ്റേഷൻ പരിധിയിൽ മാക്കൂട്ടം-പാറാൽ റോഡിൽ ആച്ചുകുളങ്ങര പഴയ പോസ്റ്റോഫീസിന് സമീപത്താണ് അപകടം നടന്നത്.

അപകടത്തിൽ തലശ്ശേരി സ്വദേശി നിധീഷ് തൽക്ഷണം മരണപ്പെട്ടിരുന്നു. പരിക്കേറ്റ യദുവിനെ ഞായറാഴ്‌ച്ച വൈകുന്നേരം കണ്ണൂർ ചാലയിലെ സ്വകാര്യ ആശുപത്രിയിൽ പ്രവേശിപ്പിച്ചെങ്കിലും തിങ്കളാഴ്‌ച്ച പുലർച്ചെ മരണമടയുകയായിരുന്നു. കൊയിലാണ്ടി ജി.വി.എച്ച്.എസ്.എസ്. പ്ലസ്ല്വൺ വിദ്യാർത്ഥിയായിരുന്നു യദു. ആദരസൂചകമായി ജി.വി.എച്ച്.എസ്.എസ്.സ്‌കൂളിന് തിങ്കളാഴ്ച അവധി നൽകി. പുത്തൻ കടപ്പുറം, ചെറിയ പുരയിൽ ലാലു-ധന്യ ദമ്പതികളുടെ മകനാണ്. സഹോദരി ദിയ.