കോഴിക്കോട്:ട്രെയിനിൽ നഗ്നത പ്രദർശനം നടത്തിയ യുവാവ് അറസ്റ്റിൽ. വയനാട് സ്വദേശി സന്ദീപാണ് പിടിയിലായത്. സംഭവം നടന്നത് കണ്ണൂർ എക്സിക്യൂട്ടിവ് എക്സ്പ്രസിലെ ജനറൽ കംപാർട്മെന്റിൽ ഇന്ന് പുലർച്ചെയായിരുന്നു.

തൃശ്ശൂരിനും കോഴിക്കോടിനും ഇടയിലാണ് ഇയാൾ യുവതിക്ക് നേരെ നഗ്നത പ്രദശനം നടത്തിയത്. സംഭവത്തിന്റെ വീഡിയോ ദൃശ്യങ്ങളുൾപ്പെടെ യുവതി പൊലീസിന് പരാതി നൽകി.യുവതിയുടെ പരാതിയിൽ റെയിൽവേ പൊലീസ് അന്വേഷണം ആരംഭിച്ചു. പരാതിയെ തുടർന്ന് തിരൂരിൽ വച്ചാണ് വയനാട് സ്വദേശി സന്ദീപ് എന്ന യുവാവിനെ പൊലീസ് അറസ്റ്റ് ചെയ്തത്. ഈ സംഭവത്തിൽ തുടർ നടപടി സ്വീകരിക്കണമെന്ന് പൊലീസ് അറിയിച്ചു.