മലമ്പുഴയിൽ വനത്തിനുള്ളിൽ നാല് ദിവസത്തിലധികം പഴക്കമുള്ള മൃതദേഹം; പുരുഷന്റെ മൃതദേഹം കണ്ടെത്തിയത് കത്തിക്കരിഞ്ഞ നിലയിൽ

പാലക്കാട്: വനത്തിവുള്ളിൽ നിന്നും നാല് ദിവസം പഴക്കമുള്ള മൃതദേഹം കണ്ടെത്തി. മലമ്പുഴ പന്നിമടയിലെ വനത്തിനുള്ളിലാണ് കത്തിക്കരിഞ്ഞ നിലയിൽ പുരുഷന്റെ മൃതദേഹം കണ്ടെത്തിയത്. പൊലീസെത്തി മൃതദേഹം കിടന്ന സ്ഥലം പരിശോധിച്ചു.4 ദിവസത്തിലേറെ പഴക്കമുണ്ടെന്നാണു പ്രാഥമിക നിഗമനം.

എന്നാൽ മൃതദേഹം ആരുടേതാണെന്ന് തിരിച്ചറിഞ്ഞിട്ടില്ലെന്നു പൊലീസ് അറിയിച്ചു.സമീപത്തായി ബാഗും വസ്ത്രങ്ങളും കത്തിച്ചതിന്റെ അവശിഷ്ടങ്ങളുണ്ട്.പാലക്കാട് ഡിവൈഎസ്‌പിയുടെ നേതൃത്വത്തിൽ ഇവ പരിശോധിച്ച ശേഷം അന്വേഷണം ആരംഭിച്ചു.