യുഡിഎഫിന് ആശ്വാസം, ഇടതുമുന്നണിക്ക് തിരിച്ചടി; പെരിന്തല്മണ്ണയില് നജീബ് കാന്തപുരത്തിന്റെ ജയം ചോദ്യം ചെയ്തുള്ള ഹര്ജി ഹൈക്കോടതി തള്ളി
കൊച്ചി: പെരിന്തല്മണ്ണ നിയമസഭാ തെരഞ്ഞെടുപ്പ് കേസില് ഇടതുപക്ഷത്തിന് തിരിച്ചടി. നജീബ് കാന്തപുരത്തിന്റെ ജയം ചോദ്യം ചേയ്തുള്ള ഹര്ജി ഹൈക്കോടതി തള്ളി. ഇടതുമുന്നണി സ്ഥാനാര്ത്ഥി കെ പി എം മുസ്തഫ നല്കിയ ഹര്ജിയാണ് ഹൈക്കോടതി തള്ളിയത്. ഇതോടെ നജീബ് കാന്തപുരത്തിന് എംഎല്എയായി തുടരാം. 340 പോസ്റ്റല് ബാലറ്റുകള് എണ്ണിയില്ലെന്നായിരുന്നു കെ പി എം മുസ്തഫയുടെ പരാതി. പ്രസൈഡിംഗ് ഓഫീസര് ഒപ്പിട്ടില്ലെന്നായിരുന്നു ഹര്ജിയിലെ വാദം. 38 വോട്ടുകള്ക്കാണ് നജീബ് കാന്തപുരം തെരഞ്ഞെടുപ്പില് വിജയിച്ചത്. കേസുമായി ബന്ധപ്പെട്ട നടപടിക്കിടെ തെരഞ്ഞെടുപ്പ് രേഖകള് […]
കൊച്ചി: പെരിന്തല്മണ്ണ നിയമസഭാ തെരഞ്ഞെടുപ്പ് കേസില് ഇടതുപക്ഷത്തിന് തിരിച്ചടി. നജീബ് കാന്തപുരത്തിന്റെ ജയം ചോദ്യം ചേയ്തുള്ള ഹര്ജി ഹൈക്കോടതി തള്ളി. ഇടതുമുന്നണി സ്ഥാനാര്ത്ഥി കെ പി എം മുസ്തഫ നല്കിയ ഹര്ജിയാണ് ഹൈക്കോടതി തള്ളിയത്. ഇതോടെ നജീബ് കാന്തപുരത്തിന് എംഎല്എയായി തുടരാം. 340 പോസ്റ്റല് ബാലറ്റുകള് എണ്ണിയില്ലെന്നായിരുന്നു കെ പി എം മുസ്തഫയുടെ പരാതി. പ്രസൈഡിംഗ് ഓഫീസര് ഒപ്പിട്ടില്ലെന്നായിരുന്നു ഹര്ജിയിലെ വാദം.
38 വോട്ടുകള്ക്കാണ് നജീബ് കാന്തപുരം തെരഞ്ഞെടുപ്പില് വിജയിച്ചത്. കേസുമായി ബന്ധപ്പെട്ട നടപടിക്കിടെ തെരഞ്ഞെടുപ്പ് രേഖകള് അടങ്ങിയ പെട്ടി കാണാതെ പോയെന്ന് കണ്ടെത്തിയിരുന്നു. ഇത് പിന്നീട് മലപ്പുറം സഹകരണസംഘം ജോയിന്റ് രജിസ്ട്രാറുടെ ഓഫീസില് നിന്ന് കണ്ടെത്തി. ഈ പെട്ടികള് പിന്നീട് ഹൈക്കോടതിയില് എത്തിച്ച് പരിശോധിച്ചിരുന്നു.
ജസ്റ്റിസ് സി.എസ്. സുധയുടെ ബഞ്ചാണ് ഹര്ജി തള്ളിയത്. സാങ്കേതിക കാരണങ്ങളുടെ പേരില് മണ്ഡലത്തിലെ 340 പോസ്റ്റല് വോട്ടുകള് എണ്ണിയില്ല എന്നും ഇവയില് 300ഓളം വോട്ടുകള് തനിക്കു ലഭിക്കേണ്ടതായിരുന്നു എന്നുമായിരുന്നു മുസ്തഫയുടെ വാദം.
തപാല് ബാലറ്റുകളടങ്ങിയ പെട്ടികളില് കൃത്രിമം നടന്നതായി തിരഞ്ഞെടുപ്പ് കമ്മീഷന് നേരത്തെ ഹൈക്കോടതിയെ അറിയിച്ചിരുന്നു. അഞ്ചാം ടേബിളില് എണ്ണിയ 482 സാധുവായ ബാലറ്റുകള് കാണാനില്ലെന്ന് ഹൈക്കോടതിയില് സമര്പ്പിച്ച റിപ്പോര്ട്ടില് കമ്മീഷന് വ്യക്തമാക്കി. നാലാം ടേബിളിലെ അസാധുവായ ബാലറ്റുകളുടെ ഒരു പാക്കറ്റിന്റെ പുറത്തുള്ള കവര് കീറിയ നിലയിലാണെന്നും തിരഞ്ഞെടുപ്പ് കമ്മീഷന് കോടതിയെ അറിയിച്ചു
നിയമസഭാ തിരഞ്ഞെടുപ്പ് ഫലപ്രഖ്യാപനത്തിന് തൊട്ടുപിന്നാലെ തന്നെ എല്.ഡി.എഫ് സ്ഥാനാര്ഥിയായിരുന്ന കെ.പി.എം മുസ്തഫ കോടതിയെ സമീപിച്ചിരുന്നു. ചില ബാലറ്റുകള് എണ്ണാതെ മാറ്റിവെച്ചതാണ് തന്റെ പരാജയത്തിന് കാരണമെന്നായിരുന്നു മുസ്തഫയുടെ വാദം. സബ് ട്രഷറിയില് സൂക്ഷിച്ച ബാലറ്റുകള് കാണാതായതിന് വിശദീകരണം വന്നത് തദ്ദേശ തെരഞ്ഞെടുപ്പുമായി ബന്ധപ്പെട്ട രേഖകള് സബ് ട്രഷറിയില്നിന്ന് നീക്കം ചെയ്തപ്പോള് പെരിന്തല്മണ്ണ തിരഞ്ഞെടുപ്പിലെ ബാലറ്റുകള് അബദ്ധത്തില് മാറ്റിയതാണെന്നായിരുന്നു.
