കാണാതായ വിദ്യാർത്ഥി തോട്ടിൽ മരിച്ച നിലയിൽ ; പാറക്കെട്ടിൽ നിന്ന് തെന്നിവീണതാകാം എന്നാണ് പ്രാഥമിക നിഗമനം; വിദ്യാർത്ഥിയെ കാണാതായത് കഴിഞ്ഞ ശനിയാഴ്ച

തൊടുപുഴ: ഇടുക്കി പാറത്തോട്ടിൽ കാണാതായ വിദ്യാർത്ഥിയെ മരിച്ച നിലയിൽ കണ്ടെത്തി. പാറത്തോട് പാറത്തോട് സെന്റ് ജോർജ് ഹൈസ്‌കൂളിലെ ഏഴാം ക്ലാസ് വിദ്യാർത്ഥി ആൽബർട്ട് ബിനോയ് ആണ് മരിച്ചത്.ചിന്നാർ പുഴയുടെ കൈത്തോടിലാണ് മൃതദേഹം കണ്ടെത്തിയത്. പാറക്കെട്ടിൽ നിന്ന് തെന്നിവീണതാകാം എന്നാണ് പ്രാഥമിക നിഗമനം.

മൃതദേഹം വെള്ളത്തൂവൽ പൊലീസ് നാളെ ഇൻക്വസ്റ്റ് നടത്തിയ ശേഷം പോസ്റ്റുമോർട്ടം നടത്തും. കഴിഞ്ഞ ശനിയാഴ്ച മുതലാണ് ആൽബർട്ടിനെ കാണാതായത്. ഇതിനു ശേഷം പൊലീസും നാട്ടുകാരും സമീപ പ്രദേശങ്ങളിലും പെരിഞ്ചാംകുട്ടി തേക്ക് പ്ലാന്റേഷനിലും തെരച്ചിൽ നടത്തിയിരുന്നു.