നിയന്ത്രണം വിട്ട് ജീപ്പ് വീടിന് മുകളിലേക്ക് മറിഞ്ഞു; വീടിന്റെ അടുക്കള ഭാഗം തകർന്നു

വയനാട്: അമ്പലവയലിൽ നിയന്ത്രണം വിട്ട് ജീപ്പ് വീടിന് മുകളിലേക്ക് മറിഞ്ഞ് അപകടം. അമ്പുകുത്തിയിലെ കേബിൾ ഓപ്പറേറ്റർ സിഎച്ച് അബ്ദുള്ളയുടെ വീടിന് മുകളിലേക്കാണ് ജീപ്പ് മറിഞ്ഞത്. ആർക്കും പരിക്കില്ല.

വീടിന്റെ അടുക്കള ഭാഗം പൂർണമായി തകർന്നു. അമ്പുകുത്തിമലയിലെ റിസോർട്ടിൽ നിന്ന് മടങ്ങിയ ജീപ്പാണ് അപകടത്തിൽപ്പെട്ടത്. മുട്ടിൽ സ്വദേശിയുടേതാണ് വാഹനം.