പാലക്കാട്: വാളയാറിൽ കാറിൽ സഞ്ചരിച്ച ദമ്പതികൾക്ക് നേരെ ആക്രമണം. പാലക്കാട് ശേഖരീപുരം സ്വദേശി ഷിഹാബിനും ഭാര്യ അഫ്രീനയ്ക്കുമാണു മർദനമേറ്റത്. കോയമ്പത്തൂർ സ്വദേശികളാണ് ആക്രമിച്ചത്. സംഭവത്തിൽ മൂന്നു പേരെ വാളയാർ പൊലീസ് കസ്റ്റഡിയിലെടുത്തു. ഇവർ മദ്യലഹരിയിലായിരുന്നുവെന്ന് നാട്ടുകാർ പറയുന്നു.

അപകടകരമായി വാഹനം ഓടിച്ചത് ചോദ്യം ചെയ്തതിനാണ് ആക്രമണമെന്ന് ഷിഹാബ് പറഞ്ഞു. ഷിഹാബിന്റെ കാറിന്റെ ചില്ല് സംഘം അടിച്ചു തകർക്കുകയും മർദിക്കുകയുമായിരുന്നു. ആക്രമണസമയത്ത് ദമ്പതികളുടെ രണ്ട് വയസ്സുള്ള മകളും വാഹനത്തിലുണ്ടായിരുന്നു.