കോഴിക്കോട്: ബാലുശ്ശേരിയിൽ കുഴൽപണവുമായി എത്തിയ രണ്ടു യുവാക്കളെ പൊലീസ് അറസ്റ്റ് ചെയ്തു. മുഹമ്മദ് ഷാമിൽ (20), നിയാസ് കെ.വി. (20) എന്നിവരാണു പിടിയിലായത്. ആരും സംശയിക്കാതിരിക്കാൻ ഇരുവരും സ്‌കൂൾ യൂണിഫോമിലായിരുന്നു എത്തിയത്. വിതരണത്തിനെത്തിച്ച 10,10,000 രൂപയാണ് ഇവരുടെ പക്കലുണ്ടായിരുന്നത്.

ബാലുശ്ശേരി പൊലീസ് സബ് ഇൻസ്‌പെക്ടർ റഫീക്് പിയും എസ്‌സിപിഒമാരായ ബഷീർ, ബിജു കെ.ടി, രജീഷ് എന്നിവരും ചേർന്നാണ് ഇരുവരെയും പിടികൂടിയത്. പ്രതികൾ സ്ഥിരമായി ഇത്തരം ജോലി ചെയ്യാറുണ്ടെന്ന് പൊലീസ് പറഞ്ഞു. പ്രതികളെ സ്റ്റേഷനിൽനിന്ന് ജാമ്യം നൽകി വിട്ടയച്ചു.