ഇടുക്കി: കാട്ടാന പടയപ്പ വീണ്ടും ജനവാസമേഖലയിലിറങ്ങി. മറയൂർ തലയാറിന് സമീപം തേയില തോട്ടത്തിൽ ആന തമ്പടിച്ചിരിക്കുകയാണ്. സമീപത്ത് തൊഴിലാളി ലയങ്ങൾ ഉള്ളതിനാൽ ജനങ്ങൾ ആശങ്കയിലാണ്. പകൽ സമയത്ത് പോലും ഇതുവഴി സഞ്ചരിക്കാൻ കഴിയാത്ത അവസ്ഥയാണുള്ളതെന്ന് നാട്ടുകാർ പറഞ്ഞു.

ആനയെ കാട്ടിലേക്ക് തുരത്തണമെന്ന് വനംവകുപ്പിനോട് ആവശ്യപ്പെട്ടിട്ടുണ്ട്. കഴിഞ്ഞയാഴ്ച ലയത്തിന് സമീപം എത്തിയ ആന പശുവിന് വേണ്ടി ശേഖരിച്ച് വച്ചിരുന്ന പുല്ല് ഭക്ഷിച്ച് തീർത്തിരുന്നു.