കോട്ടയത്തും ആലപ്പുഴയിലും ബുധനാഴ്ച അവധി

കൊച്ചി: കോട്ടയത്തും ആലപ്പുഴയിലും ബുധനാഴ്ച അവധി. കോട്ടയം ജില്ലയിൽ ദുരിതാശ്വാസ ക്യാമ്പുകൾ പ്രവർത്തിക്കുന്ന സ്‌കൂളുകൾക്കും കോട്ടയം നഗരസഭയിലെ ചില സ്‌കൂളുകൾക്കുമാണ് ജില്ലാ കളക്ടർ ബുധനാഴ്ച അവധി പ്രഖ്യാപിച്ചത്.

വെള്ളപ്പൊക്ക ബാധിത പ്രദേശങ്ങളിൽ സ്ഥിതി ചെയ്യുന്ന കോട്ടയം നഗരസഭയിലെ സെന്റ് ജോൺസ് യുപി സ്‌കൂൾ, ഗവൺമെന്റ് യുപി സ്‌കൂൾ കല്ലുപുരയ്ക്കൽ, ഗവൺമെന്റ് എൽപി സ്‌കൂൾ കരുനാക്കൽ, തിരുവാർപ്പ് പഞ്ചായത്തിലെ സെന്റ്‌മേരിസ് എൽപി സ്‌കൂൾ, തിരുവാർപ്പ് എസ്എൻഡിപി ഹയർ സെക്കൻഡറി സ്‌കൂൾ കിളിരൂർ എന്നീ സ്‌കൂളുകൾക്കാണ് അവധി പ്രഖ്യാപിച്ച് കളക്ടർ വി. വിഗ്നേശ്വരി ഉത്തരവിറക്കിയത്.

ആലപ്പുഴ ചേർത്തല താലൂക്കിൽ ദുരിതാശ്വാസ ക്യാമ്പുകൾ പ്രവർത്തിക്കുന്ന വിദ്യാഭ്യാസ സ്ഥാപനങ്ങൾക്കും ബുധനാഴ്ച ജില്ലാ കളക്ടർ അവധി പ്രഖ്യാപിച്ചിട്ടുണ്ട്.