യുപിയിൽ കുട്ടികളെ കഴുത്തറത്തുകൊലപ്പെടുത്തി

ലക്‌നൗ: യുപിയിൽ ഏഴും നാലും വയസുള്ള സഹോദരിമാരെ കഴുത്തറത്തുകൊലപ്പെടുത്തിയ നിലയിൽ കണ്ടെത്തി.

ബൽറായി പൊലീസ് സ്റ്റേഷന്റെ പരിധിയിലുള്ള ബഹദൂർപുർ ഗ്രാമത്തിലാണ് സംഭവം. സുരഭി(ഏഴ്), റോഷ്നി(നാല്) എന്നീ കുട്ടികളാണ് കൊല്ലപ്പെട്ടത്.

മൃതദേഹങ്ങൾ വീട്ടിലെ വ്യത്യസ്ത മുറികളിൽ നിന്നാണ് കണ്ടെത്തിയത്. സംഭവസമയം കുട്ടികളുടെ പിതാവ് ജയ്വീറും ഭാര്യയും അവരുടെ മൂത്ത കുട്ടികളും വീട്ടിൽ ഇല്ലായിരുന്നുവെന്ന് പൊലീസ് പറഞ്ഞു. കുടുംബവുമായി വളരെ അടുപ്പമുള്ള ഒരാളായിരിക്കാം കൃത്യം നടത്തിയതെന്നും പൊലീസ് വ്യക്തമാക്കി. സംഭവത്തിൽ പൊലീസ് അന്വേഷണം ആരംഭിച്ചിട്ടുണ്ട്.