എരുമേലി: ശബരിമലയിലേക്കു പോയ അയ്യപ്പ ഭക്തർ സഞ്ചരിച്ചിരുന്ന ബസ് മറിഞ്ഞ് അപകടം. എരുമേലിക്കു സമീപം കണമലയിൽ ഇന്നു രാവിലെ 6.15ഓടെയാണ് അപകടം ഉണ്ടായത്. നിയന്ത്രണം നഷ്ടമായ ബസ് റോഡിൽ വട്ടം മറിയുകയായിരുന്നു. നാട്ടുകാർ ചേർന്ന് രക്ഷാപ്രവർത്തനം നടത്തുകയാണ്.

ബസിലുണ്ടായിരുന്നവരെ പുറത്തെടുത്ത് സമീപത്തെ ആശുപത്രികളിലേക്കു മാറ്റി. വിവരമറിഞ്ഞ് പൊലീസും അഗ്നിരക്ഷാ സേനയും സ്ഥലത്തെത്തി. അപകടത്തിനു പിന്നാലെ ഇവിടെ ഗതാഗതം താൽക്കാലികമായി തടസപ്പെട്ടു.