ബസിൽനിന്നു വിദ്യാർത്ഥിനി റോഡിൽ വീണ സംഭവം: സ്വകാര്യ ബസ് ജീവനക്കാരുടെ ലൈസൻസ് സസ്‌പെൻഡ് ചെയ്തു

നന്മണ്ട: ബസിൽനിന്നും വിദ്യാർത്ഥിനി റോഡിൽ തെറിച്ചുവീണ സംഭവത്തിൽ സ്വകാര്യ ബസ് ജീവനക്കാരുടെ ലൈസൻസ് ഒരുമാസത്തേക്കു സസ്‌പെൻഡ് ചെയ്തു. വിദ്യാർത്ഥിനി ബസിൽ കയറവേ വണ്ടി മുന്നോട്ടെടുത്തതോടെയാണ് അപകടം.

ബാലുശേരി - നരിക്കുനി മെഡിക്കൽ കോളജ് റൂട്ടിലേടുന്ന നൂറാ ബസിലെ ഡ്രൈവർ കുന്ദമംഗലം സ്വദേശി എംപി.മുഹമ്മദ്, കണ്ടക്ടർ കുട്ടമ്പൂരിലെ യു.കെ.അബ്ബാസ് എന്നിവരുടെ ലൈസൻസാണ് ജോ. ആർടിഒ പി.രാജേഷ് സസ്‌പെൻഡ് ചെയ്തത്. രണ്ടുപേരും മോട്ടോർ വാഹന വകുപ്പിന്റെ ഐഡിടിആർ എടപ്പാളിൽ നടത്തുന്ന മൂന്നുദിവസത്തെ റിഫ്രഷ്‌മെന്റ് കോഴ്‌സിൽ പങ്കെടുക്കണം.

ചൊവ്വാഴ്ച ബാലുശേരിയിൽനിന്നു രാവിലെ ഏഴുമണിക്കു മെഡിക്കൽ കോളജിലേക്കു പോവുകയായിരുന്ന ബസ് പുന്നശേരി നിർത്തിയപ്പോളാണു അപകടമുണ്ടായത്. വിദ്യാർത്ഥികൾ ജോ. ആർടിഒയ്ക്കു നൽകിയ പരാതിയിലാണു മോട്ടർ വാഹന വകുപ്പിന്റെ നടപടി.