കണ്ണൂർ: ഭാര്യവീട് കാറിടിച്ച് കയറ്റി തകർത്തതിനെ തുടർന്ന് ഭർത്താവിനെതിരെ പൊലീസ് കേസെടുത്തു. കുറ്റിയാട്ടൂർ പഞ്ചായത്തിലെ പഴശ്ശി പൊറോളത്തിന് സമീപം കാഞ്ഞിരച്ചാലിലാണ് സംഭവം. ഇരിക്കൂറിലെ കെ.ആർ. സാജിദിന്റെ പേരിലാണ് മയ്യിൽ പൊലീസ് കേസെടുത്തത്. സാജിദ് ഒരു കേലിൽ അകപ്പെട്ട് ജയിലിൽ ആയതോടെ ഭാര്യ സി.പി. റംസീന മകളുമൊത്ത് ഇവരുടെ സ്വന്തം വീട്ടിലേക്ക് താമസം മാറിയിരുന്നു.

ഇന്നലെ സാജിദ് ഇവർ താമസിച്ചിരുന്ന അസ്മ മൻസിലിൽ എന്ന വീട്ടിലേക്ക് കാർ ഇടിച്ച് കയറ്റി. വീടിന് പിറകിലെ ഇരുമ്പ് ഗ്രിൽ തകർത്ത് അടുക്കളയിലേക്ക് കാർ ഓടിച്ചുകയറ്റുകയായിരുന്നു. കഴിഞ്ഞ ദിവസം വൈകീട്ട് നാലോടെയാണ് സംഭവം. സാജിദ് തുടർന്ന് റംസീനയുടെ മാതാവ് സി.പി. അസ്മയെ മർദിക്കുകയും വീടിന്റെ ജനാലകളും അലമാരകളും കമ്പിപ്പാര ഉപയോഗിച്ച് തകർക്കുകയും ചെയ്തുവെന്നും പരാതിയിൽ പറയുന്നു. നേരത്തെ കേസിലകപ്പെട്ട് സാജിദ് ജയിലായതോടെയാണ് റംസീന സ്വന്തം വീട്ടിലേക്ക് താമസം മാറിയത്.