പട്ടാമ്പി: ആറ് വയസുകാരിയോട് ലൈംഗികാതിക്രമം നടത്തിയ കേസിൽ പാലക്കാട് ജില്ലയിലെ മദ്രസാ അദ്ധ്യാപകന് 60 വർഷം തടവും 3 ലക്ഷം രൂപ പിഴയും ശിക്ഷ. മലപ്പുറം കുരുവമ്പലം സ്വദേശി അബ്ദുൽ ഹക്കീമിനെയാണ് പട്ടാമ്പി പോക്‌സോ കോടതി ശിക്ഷിച്ചത്. മൂന്നു വകുപ്പുകളിലായി 20 വർഷം വീതമുള്ള കഠിന തടവാണ് കോടതി വിധിച്ചത്.

2019 ലായിരുന്നു കേസിനാസ്പദമായ സംഭവം. മദ്രസയിൽ വെച്ച് പ്രതി ആറ് വയസുകാരിക്ക് നേരെ ലൈംഗികാതിക്രമം നടത്തിയെന്ന പരാതിയെ തുടർന്ന് പൊലീസ് പോക്‌സോ നിയമപ്രകാരം കേസെടുത്തിരുന്നു.