ടിപ്പർ സൈക്കിളിൽ തട്ടി; ലോറിക്കടിയിൽപ്പെട്ട് യാത്രക്കാരന് ദാരുണാന്ത്യം; മരണപ്പെട്ടത് ചേർത്തല സ്വദേശി

ആലപ്പുഴ: ടിപ്പർ ലോറിയിടിച്ച് സൈക്കിൾ യാത്രക്കാരൻ മരിച്ചു. ചേർത്തല കടക്കരപ്പള്ളി പഞ്ചായത്ത് അഞ്ചാം വാർഡ് എടേഴത്ത് വീട്ടിൽ ജോർജ് (75) ആണ് മരിച്ചത്.

കടക്കരപ്പള്ളി തെക്കേ ജംഗ്ഷൻ ഗുരുമന്ദിരത്തിന് സമീപം ശനിയാഴ്ച വൈകുന്നേരം അഞ്ച് മണിയോടെയായിരുന്നു അപകടം. ടിപ്പർ ലോറി സൈക്കിളിൽ തട്ടി ലോറിക്കടിയിൽപ്പെട്ട ജോർജിന് തൽക്ഷണം മരണം സംഭവിക്കുകയായിരുന്നു.