കോട്ടയം: തിരുനക്കര മഹാദേവക്ഷേത്രത്തിലെ പൈങ്കുനി ഉത്സവത്തിന് ഇന്ന് വൈകീട്ട് കൊടിയേറും. തന്ത്രി കണ്ഠര് മോഹനരുടെ മുഖ്യകാർമികത്വത്തിൽ വൈകീട്ട് ഏഴിനാണ് കൊടിയേറ്റ്. 24-ന് ആണ് ആറാട്ട്.

തിരുനക്കര പൂരം ഏഴാം ഉത്സവദിവസമായ 21-ന് വൈകീട്ട് നാലിന് നടക്കും. 22 ആനകൾ ഇരുചേരികളിലായി അണിനിരക്കുന്ന പൂരത്തിന് പെരുവനം കുട്ടന്മാരാരുടെ പ്രമാണത്തിൽ 111 വാദ്യകലാകാരന്മാരുടെ സംഘം പഞ്ചാരി ഒരുക്കും.

എട്ടാം ഉത്സവദിവസമായ 22-ന് വൈകീട്ട് ആറുമുതൽ ദേശവിളക്കും, രാത്രി 10 മുതൽ വലിയ വിളക്ക് എഴുന്നള്ളിപ്പും വലിയ കാണിക്കയും നടക്കും.