ചെന്നൈ: മദ്യപിച്ച് വാഹനമോടിച്ച കുറ്റത്തിന് തമിഴ് സൂപ്പർ താരം ജയ് സമ്പത്ത് അറസ്റ്റിൽ. ജയ് ഓടിച്ചിരുന്ന ഔഡി കാർ നിയന്ത്രണം വിട്ട് അഡയാർ ഫ്ളൈ ഓവറിൽ ഇടിച്ചു നിൽക്കുകയായിരുന്നു. 

സ്ഥലത്തെത്തിയ പൊലീസ് ജയ് മദ്യപിച്ചെന്ന മനസിലാക്കിയതോടെ അറസ്റ്റ് ചെയ്യുകയായിരുന്നു.

കഴിഞ്ഞ രാത്രി രണ്ടരയോടെയാണ് സംഭവം ഉണ്ടായത്. താരത്തിന് പരിക്കൊന്നുമില്ല.

അമിതവേഗതയിലായിരുന്നു ജയ് വാഹനമോടിച്ചതെന്നും പൊലീസ് പറഞ്ഞു. കൂടാതെ താരത്തിന്റെ കൈവശം ഡ്രൈവിങ് ലൈസൻസ് ഉണ്ടായിരുന്നില്ല.

മദ്യപിച്ച് വാഹനമോടിച്ചതിനും , അശ്രദ്ധയോടെ വാഹനമോടിച്ച് അപകടം ഉണ്ടാക്കിയതിനാണ് കേസ് . അപകടത്തിൽ താരത്തിന്റെ കേടുപാടുകൾ സംഭവിച്ചിട്ടുണ്ടെന്നും പൊലീസ് അറിയിച്ചു. അറസ്റ്റിലായ നടനെ ജാമ്യത്തിൽ വിട്ടയച്ചു