ട്രംപിന്റെ വിജയം മാസങ്ങള്‍ക്ക് മുന്‍പേ പ്രവചിച്ച് സുവിശേഷപ്രവര്‍ത്തകന്‍ ബ്രദര്‍ ഷിബു കിഴക്കേക്കുറ്റ്
കാനഡ :ട്രംപ് യു.എസ് പ്രസിഡന്റായി സ്ഥാനമേല്‍ക്കുന്നതിന് മുമ്പ് ട്രംപായിരിക്കും അടുത്ത പ്രസിഡന്റെന്ന സുവിശേഷപ്രവര്‍ത്തകന്റെ പ്രവചനം സത്യമായി.
കാനഡയിലെ മലയാളി സുവിശേഷകനായ ബ്രദര്‍ ഷിബു കിഴക്കേക്കുറ്റാണ് ട്രംപായിരിക്കും അടുത്ത യു.എസ് പ്രസിഡന്റെന്ന പ്രവചനം നടത്തിയത്. ഈ വര്‍ഷം സെപ്റ്റംബര്‍ 10 നാണ് ബ്രദര്‍ ഷിബു തന്റെ പ്രവചനം ഫേസ്ബുക്കില്‍ പോസ്റ്റ് ചെയ്തത്.
കമല ഹാരിസ് മൃഗീയ ഭൂരിപക്ഷത്തോടെ അമേരിക്കന്‍ പ്രസിഡന്റാകും എന്ന് അന്തര്‍ദേശീയ മാധ്യമങ്ങളുള്‍പ്പടെ ഉറപ്പിച്ച് പറഞ്ഞപ്പോഴായിരുന്നു ബ്രദറിന്റെ പ്രവചനം. നിരവധിയാളുകളാണ് അന്ന് തന്നെ പരിഹസിച്ച് രംഗത്തെത്തിയതെന്ന് ബ്രദര്‍ പറയുന്നു. ലോകത്തിന്റെ നേതാക്കന്മാരെ തെരഞ്ഞെടുക്കുന്നത് ദൈവമാണെന്ന് വീണ്ടും തെളിയിച്ചതായും അവിടുത്തെ രഹസ്യങ്ങള്‍ പാപിയായ തനിക്ക് വെളിപ്പെടുത്തിത്തന്നതിന് എങ്ങനെ നന്ദി പറയണമെന്ന് അറിയില്ലെന്നും ബ്രദര്‍ ഷിബു പറയുന്നു.
വെളിപാടിന്റെ പതിമൂന്നാം അധ്യായമാണ് അടുത്തതായി സംഭവിക്കാന്‍ പോകുന്നത്. തിരുലിഖിതങ്ങള്‍ പൂര്‍ത്തിയായിക്കൊണ്ടിരിക്കുകയാണ്. കര്‍ത്താവിന്റെ രണ്ടാം വരവിനുള്ള സമയം അടുത്തുകൊണ്ടിരിക്കുന്നു. നാമെല്ലാവരും ഒരുങ്ങിയിരിക്കേണ്ട സമയമാണിത്. ബ്രദര്‍ പറയുന്നു. ബ്രദര്‍ ഷിബു നടത്തിയിട്ടുണ്ട്. മുന്‍പും പല നിര്‍ണ്ണായകമായ പ്രവചനങ്ങളും വീണ്ടും കമ്മ്യൂണിസ്റ്റ് പാര്‍ട്ടി കേരളത്തില്‍ അധികാരത്തില്‍ ഏറുമെന്നും കേന്ദ്രത്തില്‍ ബിജെപി വീണ്ടും ഭരണത്തില്‍ വരുമെന്നും ബ്രദര്‍ പ്രവചിച്ചിരുന്നു. സീറോ മലബാര്‍ സഭയുടെ മേജര്‍ ആര്‍ച്ച് ബിഷപ്പായി തട്ടില്‍ പിതാവ് തെരഞ്ഞെടുക്കപ്പെടുമെന്ന് ദൈവം വെളിപ്പെടുത്തിയെങ്കിലും അത് മറ്റുള്ളവരോട് പറയാന്‍ ശങ്കിച്ച കാര്യവും ബ്രദര്‍ പറഞ്ഞു. കാനഡയിലെ ജോസ് കല്ലുവേലി പിതാവിന്റെ സ്ഥാനാരോഹണവും ദൈവം വെളിപ്പെടുത്തിയിരുന്നു. നിലവില്‍ സുവിശേഷ പ്രഘോഷണ രംഗത്ത് സജീവമായ ഇദ്ദേഹത്തിന് പതിമൂന്നാം നമ്പറിന്റെ മഹനീയതയും പതിമൂന്ന് തവണ ബൈബിള്‍ വായിക്കുമ്പോള്‍ സംഭവിക്കുന്ന അത്ഭുതങ്ങളെപ്പറ്റിയും ദൈവം വെളിപ്പെടുത്തിയിട്ടുണ്ട്.
ഈ ലോകത്ത് 800 കോടിയിലധികം ആളുകള്‍ ജീവിച്ചിരിപ്പുണ്ടെങ്കിലും അങ്ങനെ ഒരു വെളിപ്പെടുത്തല്‍ ദൈവം തനിക്കാണ് നല്‍കിയതെന്നും അയോഗ്യതകള്‍ പരിഗണിക്കാതെ തന്നെ സ്‌നേഹിക്കുന്ന ദൈവത്തിന് നന്ദി പറയുന്നതായുും ഷിബു ബ്രദര്‍ പറഞ്ഞു. ഒര ലക്ഷത്തിലധികം വിശ്വാസികളുള്ള തന്റെ പ്രാര്‍ത്ഥനാഗ്രൂപ്പായ 24ന്യൂസ് ലൈവ് .കോമിലൂടെ അനേകം പേര്‍ക്ക് അനുഗ്രഹങ്ങള്‍ ലഭിക്കുന്നതായും അത്ഭുത പ്രാര്‍ത്ഥനയിലൂടെ ഫലം ലഭിക്കുമെന്നുള്ള കാര്യം അച്ചട്ടാണെന്നും ബ്രദര്‍ സാക്ഷ്യപ്പെടുത്തുന്നു. വര്‍ഷങ്ങള്‍ക്കുള്ളില്‍ ലോകം രണ്ടായ തിരിഞ്ഞുള്ള ഗോഗ്-മാഗോഗ് യുദ്ധമുണ്ടാകുമെന്നും ബൈബിള്‍ പ്രവചനങ്ങള്‍ നിറവേറുമെന്നും അദ്ദേഹം പറഞ്ഞു.