മലങ്കര ഓര്ത്തഡോക്സ് സഭയ്ക്ക് അയര്‍ലണ്ടില്‍ പുതിയ ഇടവക, പോര്‍ട്ട് ലീഷ് സെന്റ് മേരീസ് ഇന്ത്യന്‍ ഓര്ത്തഡോക്സ് കോണ്ഗ്രിഗേഷന് തുടക്കമായി
പോര്‍ട്ട് ലീഷ്: മലങ്കര ഓര്ത്തഡോക്സ് സഭയുടെ യു.കെ - യൂറോപ്പ് - ആഫ്രിക്ക ഭദ്രാസനത്തിന് കീഴില്‍ അയര്‍ലന്‍ഡിലെ പോര്‍ട്ട് ലീഷില്‍ പുതിയ ഒരു കോണ്ഗ്രിഗേഷന് തുടക്കമായി. ഭദ്രാസനാധിപനായ അഭിവന്ദ്യ ഏബ്രഹാം മാര്‍ സ്‌തേഫാനോസ് മെത്രാപ്പോലീത്താ, സെന്റ് മേരീസ് ഇന്ത്യന്‍ ഓര്ത്തഡോക്സ് കോണ്ഗ്രിഗേഷന്, പോര്‍ട്ട് ലീഷ് എന്ന പേരില്‍ ഈ പുതിയ കോണ്ഗ്രിഗേഷന് ഔദ്യോഗികമായി പ്രഖ്യാപിച്ചു.
ഇടവക മെത്രാപ്പോലീത്താ അഭി. ഏബ്രഹാം മാര്‍ സ്തേഫാനോസിന്റെ കല്പന പ്രകാരം, ഫാ. ജിത്തു വര്‍ഗീസ് കോണ്‍ഗ്രിഗേഷന്റെ വികാരിയായി (Priest in charge) നിയമിതനായിരിക്കുന്നു. ചെറിയ പ്രാര്‍ത്ഥനാസമൂഹമായി ആരംഭിച്ച ഈ ഇടവകയില്‍ ഇപ്പോള്‍ ലീഷ് കൗണ്ടിയിലെയും സമീപ സ്ഥലങ്ങളില്‍ നിന്നുമുള്ള വിശ്വാസികള്‍ അംഗങ്ങളായിട്ടുണ്ട്.
ലീഷ് കൗണ്ടിയിലെയും സമീപ കൗണ്ടികളിലെയും വിശ്വാസികള്‍ക്ക് ദൈവമാതാവിന്റെ നാമത്തില്‍ ഒരു ആത്മീയ ഭവനം ഒരുക്കിക്കൊടുക്കുന്നതിലൂടെ, ഇന്ത്യന്‍ ഓര്ത്തഡോക്സ് സമൂഹത്തിന് ഈ പുതിയ കോണ്‍ഗ്രിഗേഷന്റെ പ്രഖ്യാപനം മഹത്തരവും അനുഗ്രഹീതവുമായ നാഴികക്കല്ലായി മാറി. ഈ സഭയെ ഒരുമിച്ച് കെട്ടിപ്പടുക്കുന്നതിനും പരിപോഷിപ്പിക്കുന്നതിനും ഞങ്ങളോടൊപ്പം ചേരാന്‍ എല്ലാവരെയും ഹൃദയപൂര്‍വ്വം സ്വാഗതം ചെയ്യുന്നു.
കൂടുതല്‍ വിവരങ്ങള്‍ക്ക്: ഫാ. ജിത്തു വര്‍ഗ്ഗീസ് 0894970023