ചിലർക്ക് പ്രായം വെറും നമ്പറാണ്; പക്ഷെ മറ്റുചിലർക്ക് അങ്ങനെയല്ല; നല്ല ശരീരവേദന വരുമ്പോൾ പഠിക്കും; അപ്പോൾ ചില കാര്യങ്ങൾ ചെയ്യാൻ നമ്മൾ മടിക്കും; തുറന്നുപറഞ്ഞ് ഊർമിളാ ഉണ്ണി

കൊച്ചി: നടിയും നർത്തകി കൂടിയായ ഊർമിള ഉണ്ണി വേദികളിൽ നൃത്തം ചെയ്യുന്നത് നിർത്തിയതായി വെളിപ്പെടുത്തി. പ്രായം ഒരു പ്രധാന കാരണമാണെങ്കിലും, തന്റെ ശരീരത്തെയും പ്രകടനത്തെയും കുറിച്ചുള്ള വ്യക്തിപരമായ കാഴ്ചപ്പാടുകളാണ് ഈ തീരുമാനത്തിലേക്ക് നയിച്ചതെന്ന് അവർ ഒരു അഭിമുഖത്തിൽ വ്യക്തമാക്കി.

"പ്രായം വെറും നമ്പർ ആണെന്ന് ചിലർ പറയും. പക്ഷെ നല്ല മേലുവേദന വരുമ്പോൾ അത് ഒരു നമ്പർ അല്ലെന്ന് മനസ്സിലാകും," ഊർമിള ഉണ്ണി തമാശരൂപേണ പറഞ്ഞു. "മരണം വരെ നൃത്തം ചെയ്യും എന്ന് പറയുന്നവരെ കാണുമ്പോൾ, അവർ വീട്ടിലിരുന്ന് കളിച്ചാൽ മതിയായിരുന്നില്ലേ എന്ന് തോന്നിയിട്ടുണ്ട്. ശരീരത്തിൽ തടി കൂടി, വയ്യാതായിട്ടും വേദിയിൽ വന്ന് നിന്ന് മോശമായി കളിക്കുന്നത് കാണുമ്പോൾ വിഷമം തോന്നും. അതുകൊണ്ട്, എനിക്ക് ചേരാത്ത കാര്യങ്ങൾ ചെയ്യാൻ പോകുന്നില്ല എന്ന് സ്വയം തീരുമാനിച്ചു."

ഏതാണ്ട് ഇരുപത് വർഷങ്ങൾക്ക് മുൻപ് തന്നെ നൃത്തം ഉപേക്ഷിച്ച മട്ടാണെന്നും, തന്റെ ശരീരം നന്നായിരിക്കുമ്പോൾ നൃത്തം നിർത്തണം എന്ന് ആഗ്രഹിച്ചിരുന്നതായും അവർ കൂട്ടിച്ചേർത്തു. "നടക്കുമ്പോൾ തന്നെ വീഴാൻ തുടങ്ങിയപ്പോൾ, ഡാൻസ് ചെയ്യാൻ സാധിക്കില്ലെന്ന് മനസ്സിലാക്കി നിർത്തുകയായിരുന്നു," ഊർമിള ഉണ്ണി വിശദീകരിച്ചു.