ഒമ്പതാം വാർഷികത്തിൽ ഉപയോക്താക്കൾക്ക് വമ്പൻ ഓഫറുകൾ; സൗജന്യ ഡാറ്റ, ഒടിടി സബ്‌സ്‌ക്രിപ്‌ഷനുകൾ, ഗോൾഡ് റിവാർഡുകൾ; 'സെലിബ്രേഷൻ പ്ലാൻ' അവതരിപ്പിച്ച് റിലയൻസ് ജിയോ
മുംബൈ: ഒമ്പതാം വാർഷികത്തോടനുബന്ധിച്ച് ഉപയോക്താക്കൾക്കായി വമ്പൻ ഓഫറുകൾ പ്രഖ്യാപിച്ച് റിലയൻസ് ജിയോ. 500 ദശലക്ഷം ഉപയോക്താക്കൾ എന്ന നാഴികക്കല്ല് പിന്നിട്ടതിന്റെ സന്തോഷം പങ്കുവെക്കുന്നതിന്റെ ഭാഗമായാണ് ഈ ഓഫറുകൾ. 349 രൂപയുടെ 'സെലിബ്രേഷൻ പ്ലാൻ' അവതരിപ്പിച്ചുകൊണ്ട് ജിയോ ഉപയോക്താക്കൾക്ക് പരിധിയില്ലാത്ത 5G ഡാറ്റ, പരിധിയില്ലാത്ത കോളിംഗ്, ജിയോഹോട്ട്സ്റ്റാർ, ജിയോസാവൻ, സൊമാറ്റോ ഗോൾഡ് സബ്‌സ്‌ക്രിപ്‌ഷനുകൾ, ഡിജിറ്റൽ ഗോൾഡ് റിവാർഡുകൾ എന്നിവ വാഗ്ദാനം ചെയ്യുന്നു.
ജിയോ ജനങ്ങളുടെ ജീവിതത്തിന്റെ അവിഭാജ്യ ഘടകമായി മാറിയതിന്റെ തെളിവാണ് 500 ദശലക്ഷം ഉപയോക്താക്കളെ നേടിയെടുത്തത് റിലയൻസ് ജിയോ ഇൻഫോകോം ലിമിറ്റഡ് ചെയർമാൻ ആകാശ് അംബാനി പറഞ്ഞു. ഈ നേട്ടത്തിലേക്ക് എത്താൻ സഹായിച്ച ഓരോ ഉപയോക്താവിനും അദ്ദേഹം വ്യക്തിപരമായി നന്ദി രേഖപ്പെടുത്തി. ഉപയോക്താക്കളെ വിശ്വാസവും പിന്തുണയുമാണ് തങ്ങൾക്ക് പ്രചോദനമെന്നും അദ്ദേഹം കൂട്ടിച്ചേർത്തു.