ഡിജിറ്റല്‍ യൂണിവേഴ്‌സിറ്റി ക്യാമ്പസ് നിര്‍മാണത്തിനായി ഭൂമി കൈമാറും; 28 ഏക്കര്‍ ഭൂമി കൈമാറാന്‍ മന്ത്രിസഭാ യോ ഗത്തില്‍ തീരുമാനം
ഡിജിറ്റല്‍ യൂണിവേഴ്‌സിറ്റി ക്യാമ്പസ് നിര്‍മാണത്തിനായി ഭൂമി കൈമാറും
തിരുവനന്തപുരം : ഡിജിറ്റല്‍ യൂണിവേഴ്‌സിറ്റി കേരളയുടെ രണ്ടാംഘട്ട ക്യാമ്പസ് നിര്‍മാണത്തിനായി മേല്‍തോന്നയ്ക്കല്‍, അണ്ടൂര്‍ക്കോണം പഞ്ചായത്തുകളിലുള്‍പ്പെട്ട 28 ഏക്കര്‍ ഭൂമി കൈമാറാന്‍ മന്ത്രിസഭായോ?ഗത്തില്‍ തീരുമാനം. ടെക്‌നോപാര്‍ക്ക് നാലാം ഘട്ട (ടെക്‌നോസിറ്റി) വികസനത്തിനായി ഏറ്റെടുക്കുവാന്‍ വിജ്ഞാപനം ചെയ്തിരുന്ന 507 ഏക്കര്‍ ഭൂമിയില്‍ നിന്നാണ് ഇത് കൈമാറുക. ഭാവിയില്‍ ഉണ്ടായേക്കാവുന്ന എല്ലാ എല്‍എആര്‍ ബാധ്യതകളും ഡിജിറ്റല്‍ യൂണിവേഴ്‌സിറ്റി കേരള വഹിക്കുമെന്ന നിബന്ധനയിലാണ് ഭൂമിയുടെ ഉടമസ്ഥാവകാശം ഫ്രീ ഹോള്‍ഡായി ഡിജിറ്റല്‍ യൂണിവേഴ്‌സിറ്റി കേരളയ്ക്ക് കൈമാറുന്നത്. ഇതിനായി ടെക്‌നോപാര്‍ക്കിന് 21.81 കോടി രൂപ അനുവദിക്കും.
വയനാട്, ഇടുക്കി ജില്ലകളില്‍ ദുരന്ത നിവാരണ ഡെപ്യൂട്ടി കളക്ടര്‍ തസ്തിക
വയനാട്, ഇടുക്കി ജില്ലകളില്‍ ദുരന്ത നിവാരണ ഡെപ്യൂട്ടി കളക്ടര്‍ തസ്തിക സൃഷ്ടിക്കാന്‍ തീരുമാനിച്ചു. ഈ ജില്ലകളിലെ റവന്യൂ ഭരണത്തിലെ ഓരോ ഓഫീസ് അറ്റന്‍ഡന്റ് തസ്തികയും ടൈപ്പിസ്റ്റ് തസ്തികയും നിര്‍ത്തലാക്കിയാണ് ദുരന്തനിവരണത്തിനു വേണ്ടി ഒരു ഡെപ്യൂട്ടി കളക്ടര്‍ തസ്തിക സൃഷ്ടിക്കുക.