മകനെ കൊന്ന് പോലീസിനെ വിളിച്ച് അറിയിച്ച അമ്മ; കാക്കൂരില് ആറു വയസുകാരനെ അമ്മ കൊലപ്പെടുത്തി
By : സ്വന്തം ലേഖകൻ
Update: 2025-12-20 07:20 GMT
കോഴിക്കോട്: കോഴിക്കോട് കാക്കൂരില് ആറു വയസുകാരനെ അമ്മ കൊലപ്പെടുത്തി. കാക്കൂര് പുന്നശ്ശേരിയിലാണ് ദാരുണമായ കൊലപാതകം നടന്നത്. മകന് നന്ദ ഹര്ഷനെ കൊല്ലപ്പെടുത്തിയ വിവരം അമ്മ അനു തന്നെയാണ് പൊലീസിനെ വിളിച്ച് അറിയിച്ചത്. പൊലീസ് കണ്ട്രോള് റൂമില് വിളിച്ചാണ് കൊലപാതക വിരരം അനു അറിയിച്ചത്. സംഭവത്തില് പൊലീസ് കേസെടുത്തു.
ശനിയാഴ്ച രാവിലെ ഭര്ത്താവ് ബിജീഷ് ജോലിക്ക് പോയ ശേഷമാണ് സംഭവം. കാക്കൂര് സരസ്വതി വിദ്യാമന്ദിറിലെ യുകെജി വിദ്യാര്ത്ഥിയാണ് കൊല്ലപ്പെട്ട നന്ദ ഹര്ഷിന്. ഇന്ക്വസ്റ്റ് നടപടികള്ക്കുശേഷം മൃതദേഹം പോസ്റ്റ്മോര്ട്ടത്തിനായി കൊണ്ടുപോകും. അനുവിനെ കാക്കൂര് പൊലീസ് കസ്റ്റഡിയിലെടുത്തു. കെഎസ്എഫ്ഇ ജീവനക്കാരിയായ അനു, മാനസിക പ്രശ്നത്തിന് ചികിത്സയിലായിരുന്നുവെന്ന് പൊലീസ് അറിയിച്ചു.