അദ്ദേഹത്തിന് വികസന പ്രവർത്തനങ്ങൾ അംഗീകരിക്കാൻ ഭയങ്കര ബുദ്ധിമുട്ടാണ്..; കണ്ണട ധരിച്ച് കണ്ണുകൾ തുറന്ന് കശ്മീരിലെ പുരോഗതി നിങ്ങൾ കാണൂ; രാഹുൽ ഗാന്ധിയെ വീണ്ടും പരിഹസിച്ച് അമിത് ഷാ

ഡൽഹി: രാഹുൽ ഗാന്ധിയെ വീണ്ടും അതിരൂക്ഷമായി പരിഹസിച്ച് അമിത് ഷാ. കശ്മീരിലെ വികസന പ്രവർത്തനങ്ങൾ എണ്ണി പറഞ്ഞാണ് രാഹുൽ ഗാന്ധിയെ അമിത് ഷാ പരിഹസിച്ചത്. ജമ്മു കശ്മീരിലെ ഭീകരവിരുദ്ധ പ്രവർത്തനങ്ങളെയും വികസനത്തെയും കുറിച്ച് സംസാരിക്കുന്നതിനിടെ കോൺഗ്രസ് നേതാവ് രാഹുൽ ഗാന്ധിയെ പരിഹസിച്ച് കേന്ദ്ര ആഭ്യന്തര മന്ത്രി അമിത് ഷാ . മോദി സർക്കാർ നടത്തിയ വികസന പ്രവർത്തനങ്ങൾ അംഗീകരിക്കാൻ രാഹുൽ ഗാന്ധി വിസമ്മതിച്ചുവെന്ന് അമിത് ഷാ തുറന്നടിച്ചു.

അദ്ദേഹത്തിന്റെ വാക്കുകൾ...

“ആരെങ്കിലും കറുത്ത കണ്ണട ധരിച്ച് ഇരിക്കുകയാണെങ്കിൽ, അവർക്ക് എങ്ങനെ വികസനം കാണിക്കാൻ കഴിയും. അവർ നമ്മളോട് ചോദിക്കുന്നു – ആർട്ടിക്കിൾ 370 റദ്ദാക്കിയതിന് ശേഷം എന്താണ് സംഭവിച്ചത്?’ സാഹേബ്, തുറന്ന ഹൃദയവും വ്യക്തമായ കാഴ്ചപ്പാടും ഉള്ളവർക്ക് മാത്രമേ വികസനം കാണാൻ കഴിയൂ. കറുത്ത കണ്ണട ധരിച്ച് കണ്ണുകൾ അടച്ച് ഇരിക്കുന്നവർക്ക് ജമ്മു കശ്മീരിലെ പുരോഗതി കാണാൻ കഴിയില്ല. എന്നും അമിത് ഷാ പറഞ്ഞു.