ഡോ. അര്‍പിത് മാത്യു ഡോ.ആമി മാത്യു എന്നിവര്‍ക്കു സെന്റ് പോള്‍സ് മാര്‍ത്തോമ്മാ ചര്‍ച്ചില്‍ ഊഷ്മള സ്വീകരണം
ഡാളസ് : മിഷനറി പ്രവര്‍ത്തകരും മധുരയിലെ മധിപുര ക്രിസ്ത്യന്‍ ഹോസ്പിറ്റലിലെ ഡോക്ടര്‍മാരായ ഡോ. അര്‍പിത് മാത്യുവും ഡോ. ആമി മാത്യുവും ഡാളസ് സെന്റ് പോള്‍സ് മാര്‍ത്തോമ്മാ ചര്‍ച്ചില്‍ (1002, ബാര്‍ണ്‍സ് ബ്രിഡ്ജ് RD, മെസ്‌ക്വിറ്റ്, TX, 75150) ഊഷ്മള സ്വീകരണം നല്‍കി
ഡാളസ് സെന്റ് പോള്‍സ് മാര്‍ത്തോമാ ചര്‍ച്ച യുവജന സഖ്യം സെപ്തംബര്‍ 18 ബുധനാഴ്ച വൈകീട്ട് 7 മണിക്കു പള്ളിയില്‍ പ്രത്യേക യോഗത്തില്‍ റവ ഷൈജു സി ജോയ് അദ്ധ്യക്ഷത വഹിച്ചു
മാധിപുര ക്രിസ്ത്യന്‍ ഹോസ്പിറ്റലിലെ പ്രവര്‍ത്തനത്തിന്റെ പ്രചോദനാത്മകമായ സാക്ഷ്യം ഡോ:മാത്യു പങ്കുവെച്ചത് അനേകരുടെ ഹൃദയത്തെ സ്പര്‍ശിച്ചു. പതിവ് അപ്ഡേറ്റുകള്‍ക്കായി MCH വാട്ട്സ്ആപ്പ് കമ്മ്യൂണിറ്റിയിലേക്ക് സബ്സ്‌ക്രൈബ് ചെയ്യുന്നതിലൂടെ നിരവധി പേര്‍ അവരുടെ ദൗത്യവുമായി ബന്ധം നിലനിര്‍ത്താന്‍ താല്‍പ്പര്യം പ്രകടിപ്പിച്ചു. ഞങ്ങളുടെ പ്രാര്‍ത്ഥനാ ഗ്രൂപ്പുകളുമായി സബ്സ്‌ക്രിപ്ഷന്‍ ലിങ്ക് പങ്കിടുന്നതിനും ചേരാന്‍ ആഗ്രഹിക്കുന്നവരെ സ്വാഗതം ചെയ്യുന്നതായും ഡോ:മാത്യു പറഞ്ഞു ഫലപ്രദമായ മിഷനറി മീറ്റിംഗ് സംഘടിപ്പിച്ചതിന് യുവജന സഖ്യത്തിന് ഡോ.അര്‍പിത് മാത്യു, ഡോ.ആമി എന്നിവര്‍ ഹൃദയം നിറഞ്ഞ നന്ദി അറിയിച്ചു .
സി എസ് ഐ കോണ്‍ഗ്രിഗേഷന്‍ ഓഫ് ഡാളസ് വികാരി റവ രജീവ് സുകു ജേക്കബ്,യു ടി സൗത്ത് വെസ്റ്റേണ്‍ തൊറാസിക് സുര്‍ജെന്‍ ജോണ് മുറാല ,എഡിസണ്‍ കെ ജോണ് എന്നിവര്‍ സംസാരിച്ചു .ടെന്നി കൊരുത്ത സ്വാഗതവും മിറിയ റോയ് നന്ദിയും പറഞ്ഞു .റവ ഷൈജു സി ജോയ് അച്ചന്റെ പ്രാര്‍ത്ഥനകും ആശീര്‍വാദത്തിനും ശേഷം യോഗം സമാപിച്ചു.