ടെക്സാസില് വാഹനപരിശോധനയ്ക്കിടെ 20 പൗണ്ട് കൊക്കെയ്ന് പിടികൂടി
By : സ്വന്തം ലേഖകൻ
Update: 2026-03-31 14:30 GMT
ടെക്സാസ് :ടെക്സാസിലെ പാന്ഹാന്ഡിലിന് സമീപം നടത്തിയ വാഹനപരിശോധനയ്ക്കിടെ കാറിന്റെ ഡാഷ്ബോര്ഡില് ഒളിപ്പിച്ച നിലയില് 20 പൗണ്ട് (ഏകദേശം 9 കിലോ) കൊക്കെയ്ന് പിടികൂടി. തിങ്കളാഴ്ച രാത്രി ഐ-40 ഹൈവേയിലാണ് സംഭവം.
മറ്റൊരു ട്രക്കില് കയറ്റി കൊണ്ടുപോവുകയായിരുന്ന വാഹനത്തിന്റെ ഡാഷ്ബോര്ഡിലെ രഹസ്യ അറയിലാണ് മയക്കുമരുന്ന് സൂക്ഷിച്ചിരുന്നത്.കാലിഫോര്ണിയയില് നിന്ന് നോര്ത്ത് കരോലിനയിലേക്ക് മയക്കുമരുന്ന് കടത്തുകയായിരുന്നുവെന്ന് അന്വേഷണ ഉദ്യോഗസ്ഥര് കരുതുന്നു.
സംഭവത്തില് ഇതുവരെ അറസ്റ്റുകളൊന്നും രേഖപ്പെടുത്തിയിട്ടില്ല. ടെക്സാസ് പബ്ലിക് സേഫ്റ്റി ഡിപ്പാര്ട്ട്മെന്റ് അന്വേഷണം തുടരുകയാണ്.