ഡൊണാള്‍ഡ് ട്രംപിന്റെ ചരിത്ര വിജയം ആഘോഷിച്ചു ഡാളസ് മേഖലാ റിപ്പബ്‌ളിക്കന്‍ കണ്‍സെര്‍വറ്റീവ് ഫോറം
റോക്ക് വാള്‍ (ഡാളസ് ): ഡൊണാള്‍ഡ് ട്രംപിന്റെ ചരിത്ര വിജയം അമേരിക്കയുടെ ഭരണഘടനയും അമേരിക്കന്‍ മൂല്യങ്ങളും സംരക്ഷിക്കപ്പെടണമെന്ന് ആഗ്രഹിക്കുന്ന ജനങ്ങള്‍ നല്‍കിയ അംഗീകാരമാണെന്ന് റിപ്പബ്ലിക്കന്‍ പാര്‍ട്ടി ടെക്‌സാസ് സംസ്ഥാന അദ്ധ്യക്ഷനും മലയാളിയുമായ എബ്രഹാം ജോര്‍ജ് പറഞ്ഞു
അമേരിക്കന്‍ പ്രസിഡണ്റ്റായി ഡൊണാള്‍ഡ് ട്രമ്പ് വീണ്ടും തിരഞ്ഞെടുക്കപ്പെട്ടതിന്റെ വിജയഘോഷത്തിനായി റോക്ക് വാള്‍ എവെന്റ്‌റ് സെന്ററില്‍ ഞായറാഴ്ച വൈകീട്ട് 7 മണിക് ചേര്‍ന്ന മലയാളി റിപ്പബ്‌ളിക്കന്‍ ഫോറം ഓഫ് ടെക്‌സാസ് ഡാളസ് ചാപ്റ്ററിന്റെ സമ്മേളത്തില്‍ മുഖ്യപ്രഭാഷണം നടത്തുകയായിരുന്നു എബ്രഹാം ജോര്‍ജ്.അമേരിക്കയുടെ ചരിത്രത്തിലെ ഏറ്റവും മോശമായ ഒന്നായിരുന്നു ബൈഡന്‍-ഹാരിസ് ഭരണമെന്നും അതിനു ജനങ്ങള്‍ നല്‍കിയ തിരിച്ചടിയാണ് ഡെമോക്രറ്റിക് പാര്‍ട്ടിക്ക് പൊതു തിരഞ്ഞെടുപ്പില്‍ നേരിട്ടതെന്നും അദ്ദേഹം കൂട്ടിച്ചേര്‍ത്തു.
പാസ്റ്റര്‍ ഷാജി കെ ഡാനിയേലിന്റെ പ്രാര്ഥനയോടെയാണ് സമ്മേളനം ആരംഭിച്ചത് .ലിയ നെബു ദേശീയഗാനം ആലപിച്ചു. ടെക്‌സസ് കണ്‍സര്‍വേറ്റീവ് ഫോറം ഡാളസ് മേഖല പ്രസിഡന്റ് നെബു കുര്യാക്കോസ് സ്വാഗതം ആശംസിച്ചു
പ്രസിഡണ്റ്റ് തിരഞ്ഞെടുപ്പില്‍ മാത്രമല്ല സെനറ്റിലും ഹൗസിലും ഭൂരിപക്ഷം സീറ്റുകളും നേടി റിപ്പബ്‌ളിക്കന്‍ പാര്‍ട്ടി അധികാരത്തില്‍ തിരിച്ചെതുവാന്‍ കഴിഞ്ഞതായി റോക്ക്വാള്‍ ജി ഒ പി ചെയര്‍ ഷാരോണ്‍ അഭിപ്രായപ്പെട്ടു
ബിനു മാത്യു(ടെക്‌സസ് കണ്‍സര്‍വേറ്റീവ് ഫോറത്തിന്റെ ട്രഷറര്‍),പ്രിയ വെസ്ലി(ബോര്‍ഡ് അംഗം ടെക്‌സസ് കണ്‍സര്‍വേറ്റീവ് ഫോറം),ലിന്‍ഡ സുനി(ബോര്‍ഡ് അംഗം ടെക്‌സസ് കണ്‍സര്‍വേറ്റീവ് ഫോറം) എന്നിവര്‍ ട്രംപിന് ആശംസകള്‍ അറിയിച്ചു.തുടര്‍ന്ന് സന്തോഷ സൂചകമായി കേക്ക് മുറിച്ചു.
ഗാര്‍ലാന്‍ഡ് മേയറോള്‍ സ്ഥാനാര്‍ഥി പി സി മാത്യു (ചെയര്‍മാന്‍-ടെക്‌സസ് കണ്‍സര്‍വേറ്റീവ് ഫോറം) എത്തി ചേര്‍ന്ന ഏവര്‍ക്കും നന്ദി പ്രകാശിപ്പിച്ചു. . കേരള അസോസിയേഷന്‍ ഭാരവാഹികളായ സിജു വി ജോര്‍ജ്, ജെയ്‌സി ജോര്‍ജ് , അനസ്വര്‍ മാംമ്പിള്ളി തുടങ്ങി നിരവധി പ്രമുഖര്‍ സമ്മേളനത്തില്‍ പങ്കെടുത്തു, ഡിന്നറോടു കുടി സമ്മേളനം സമാപിച്ചു