ആഗോള ഹൃദയശസ്ത്രക്രിയ രംഗത്തെ പ്രതിഭ ഡോ. സുഹൈര് അല്ഹലീസിനു അമേരിക്കന് കോളേജ് ഓഫ് കാര്ഡിയോളജിയുടെ ലൈഫ് ടൈം അച്ചീവ്മെന്റ് അവാര്ഡ്
വാഷിംഗ്ടണ് ഡി സി/റിയാദ് :അമേരിക്കന് കോളേജ് ഓഫ് കാര്ഡിയോളജിയുടെ 2026-ലെ ലൈഫ് ടൈം അച്ചീവ്മെന്റ് അവാര്ഡ് പ്രശസ്ത ഹൃദയശസ്ത്രക്രിയ വിദഗ്ധന് ഡോ. സുഹൈര് വൈ. അല്ഹലീസിന് ലഭിച്ചു. സൗദി അറേബ്യയിലും ആഗോളതലത്തിലും ജന്മനായുള്ള ഹൃദയവൈകല്യങ്ങള് പരിഹരിക്കുന്നതിനുള്ള ശസ്ത്രക്രിയകളില് അദ്ദേഹം നല്കിയ നാല് പതിറ്റാണ്ടോളം നീണ്ട സേവനങ്ങള് പരിഗണിച്ചാണ് ഈ പുരസ്കാരം.
30,000 ശസ്ത്രക്രിയകള്: മുതിര്ന്നവരിലും കുട്ടികളിലുമായി മുപ്പതിനായിരത്തിലധികം ഹൃദയ ശസ്ത്രക്രിയകള് അദ്ദേഹം വിജയകരമായി പൂര്ത്തിയാക്കി.ഹൃദയവാല്വ് മാറ്റിവെക്കുന്ന ഈ സങ്കീര്ണ്ണ ചികിത്സാരീതിയില് അദ്ദേഹം വരുത്തിയ സാങ്കേതിക പരിഷ്കാരങ്ങള് ആഗോളതലത്തില് ശ്രദ്ധിക്കപ്പെട്ടിട്ടുണ്ട്.
നിര്ധനരായ കുട്ടികള്ക്കായി നിരവധി സൗജന്യ ഹൃദയ ശസ്ത്രക്രിയ മിഷനുകള്ക്ക് അദ്ദേഹം നേതൃത്വം നല്കി.റിയാദിലെ കിംഗ് ഫൈസല് സ്പെഷ്യലിസ്റ്റ് ഹോസ്പിറ്റലില് അത്യാധുനിക ഹൃദയചികിത്സാ കേന്ദ്രം കെട്ടിപ്പടുക്കുന്നതില് പ്രധാന പങ്കുവഹിച്ചു.
അതിരുകളില്ലാതെ അറിവ് പകരുകയും മികവിനെ അംഗീകരിക്കുകയും ചെയ്യുന്ന ഈ ആഗോള സംഘടനയുടെ ആദരത്തിന് നന്ദിയുണ്ട് ' ഡോ. സുഹൈര് അല്ഹലീസ് പറയുന്നു
സൗദി അറേബ്യയുടെ 'കിംഗ് അബ്ദുല് അസീസ് മെഡല് ഓഫ് ഓണര്' ഉള്പ്പെടെ നിരവധി പുരസ്കാരങ്ങള് നേടിയിട്ടുള്ള അദ്ദേഹം, വരും വര്ഷങ്ങളിലും അധ്യാപനത്തിലും ജീവകാരുണ്യ പ്രവര്ത്തനങ്ങളിലും സജീവമായി തുടരുമെന്ന് അറിയിച്ചു.