പരിശുദ്ധ ഖുറാനിലെ ഏറ്റവും പ്രധാനപ്പെട്ട നിർദ്ദേശങ്ങൾ എന്ന പേരിൽ മലയാളം ഹദീസ് സംഗ്രഹിച്ച നൂറ് നിർദ്ദേശങ്ങൾ ആണ് ചുവടെ കൊടുക്കുന്നത്. ഇസ്ലാമും പരിശുദ്ധ ഖുറാനും ഏറെ തെറ്റിദ്ധരിപ്പിക്കപ്പെടുന്ന കാലഘട്ടത്തിൽ ഈ നിർദ്ദേശങ്ങൾ വായിക്കുന്നതും ചിന്തിക്കുന്നതും നല്ലതാകും. ഇതിൽ എന്തിന്റെ അടിസ്ഥാനത്തിൽ വേണം ഇസ്ലാമിനെ കുറ്റപ്പെടുത്താൻ എന്ന് വിമർശകർ സ്വയം കണ്ടെത്തട്ടെ-എഡിറ്റർ

മലയാളം ഹദീസ് എന്ന ഫെയ്‌സ്ബുക്ക് അക്കൗണ്ടിൽ പ്രസിദ്ധീകരിച്ചതാണ് ഈ കുറിപ്പ്.

1. ദൈവത്തിനു പുറമെ മറ്റാരോടും നിങ്ങൾ പ്രാർത്ഥിക്കരുത്. (28:88)
2. നന്മ കൽപ്പിക്കണം തിന്മ വിരോധിക്കണം. (31:17)
3. എത്ര പ്രതികൂലമായാലും സത്യമെ പറയാവൂ. (4:135)
4. പരദൂഷണം പറയരുത്. (49:12)
5. മറ്റുളളവരെ പരിഹസിക്കരുത്. (49:11)
6. അസൂയ അരുത്. (4:54)
7. ചാരവൃത്തിയും ഒളിഞ്ഞു കേൾക്കലും അരുത്. (49:12)
8. കള്ളസാക്ഷി പറയരുത്. (2:283)
9. സത്യത്തിന്ന് സക്ഷി പറയാൻ മടിക്കരുത്. (2:283)
10. സംസാരിക്കുംബോൾ ശബ്ദം താഴ്‌ത്തണം. (31 :19)
11. പരുഷമായി സംസാരിക്കരുത്. (3:159)
12. ആളുകളോട് സൗമ്യമായ വാക്കുകൾ പറയണം. (20:44)
13. ഭൂമിയിൽ വിനയത്തോടെ നടക്കണം. (25:63)
14. നടത്തത്തിൽ അഹന്ത അരുത്. (31:18)
15. അഹങ്കാരം അരുത്. (7:13)
16. അനാവശ്യ കാര്യങ്ങളിൽ മുഴുകരുത്. (23:3)
17. മറ്റൊരാളുടെ തെറ്റുകൾ കഴിയുന്നത്ര മപ്പ് ചെയ്യണം. (7:199)
18. മറ്റുള്ളവരോട് ഔദാര്യത്തോടെ പെരുമാറണം. (4:36)
19. അതിഥികളെ സൽക്കരിക്കണം.(51:26)
20. പാവങ്ങൾക്ക് ഭക്ഷണം നൽകാൻ പ്രേരിപ്പിക്കണം.(107:3)
21. അനാഥകളെ സംരക്ഷിക്കണം. (2:220)
22. ചോദിച്ചു വരുന്നവരെ ആട്ടിക്കളയരുത്. (93:10)
23. വിഷമിക്കുന്നവരെ കണ്ടെത്തി സഹായിക്കണം. (2:273)
24. ചെയത ഉപകാരം എടുത്ത് പറയരുത്. (2:264)
25. വിശ്വസിച്ചേൽപിച്ച വസ്തുക്കൾ തിരിച്ചേല്പിക്കണം. (4:55)
26. കരാർ ലംഘിക്കരുത്.(2:177)
27. തിന്മയെ നന്മ കൊണ്ട് പ്രതിരോധിക്കണം. (41:34)
28. നന്മയിൽ പരസ്പരം സഹകരിക്കണം.(5:2)
29. തിന്മയിൽ സഹകരിക്കരുത്.(5:2)
30. നീതി പ്രവർത്തിക്കണം. (5:8)
31. വിധി കൽപിക്കുംബോൾ നീതിയനുസരിച്ച് വിധിക്കണം. (4:58)
32. ആരോടും അനീതി ചെയ്യരുത്. (5:8)
33. അളവിലും തൂക്കത്തിലും ക്രിത്രിമം കാണിക്കരുത്. (6:152)
34. സത്യവും അസത്യവും കൂട്ടിക്കലർത്തരുത് (2:42)
35. വഞ്ചകർക്ക് കൂട്ടു നിൽക്കരുത്. (4:105)
36. സത്യത്തിൽനിന്ന് വ്യതിചലിക്കരുത്. (4:135)
37. പിശുക്ക് അരുത്. (4:37)
38. അന്യന്റ്‌റെ ധനം അന്യായമായി തിന്നരുത്. (4:29)
39. അനാഥകളുടെ ധനം അപഹരിക്കരുത്. (4:10)
40. ധനം ധൂർത്തടിക്കരുത്. (17:29)
41. ലഹരി ഉപയോഗിക്കരുത്. (5:90)
42. മദ്യം കഴിക്കരുത്. (5:90)
43. കൈക്കൂലി അരുത്. (2:188)
44. പലിശ അരുത്. (2:275)
45. വ്യഭിചാരത്തെ സമീപിക്കരുത്. (17:32)
46. കൊലപാതകം അരുത്. (4:92)
47. ചൂത് കളിക്കരുത്. (5:90)
48. മറ്റുള്ളവർക്ക് പാഠം ആകും വിധം കുറ്റവളികളെ ശിക്ഷിക്കണം. (5:38)
49. ഊഹങ്ങൾ അധികവും കളവണ്; ഊഹങ്ങൾ വെടിയണം. (49:12)
50. തിന്നുക, കുടിക്കുക, അധികമാകരുത്. (49:12)
51. ശവം, രക്തം, പന്നിമാംസം എന്നിവ നിഷിദ്ധമാണ്. (5:3)
52. ഭാഗ്യ പരീക്ഷണങ്ങൾ അരുത്.(5:90)
53. ഭൂമിയിൽ കുഴപ്പം ഉണ്ടാക്കരുത്. (2:60)
54. മനുഷ്യർക്കിടയിൽ ഐക്യത്തിന്ന് ശ്രമിക്കണം. (49 :9)
55. നിങ്ങൾ പരസ്പരം ഭിന്നിക്കരുത്. (3:103)
56. ഉച്ചനീചത്വ ബോധം ഉണ്ടാകരുത്. (49 :13)
57. ദൈവ ഭകതനാണ് നിങ്ങളിൽ ശ്രേഷ്ടൻ. (49:13)
58. കാര്യങ്ങൾ പരസ്പരം കൂടിയാലോചിക്കണം. (42:38)
59. ഇങ്ങോട്ട് യുദ്ധം ചെയ്താലല്ലാതെ യുദ്ധം അരുത് (2:190)
60. യുദ്ധ മര്യാദകൾ പലിക്കണം (2:191)
61. യുദ്ധത്തിൽ നിന്ന് പിന്തിരിയരുത്. (8:15)
62. അഭയാർത്ഥികളെ സഹായിക്കണം (സംരക്ഷിക്കണം) (9:6)
63. മറ്റുള്ളവരെ കണ്ണടച്ച് അനുകരിക്കരുത്. (2:170)
64. പൗരോഹിത്യം പടില്ല
65. സന്ന്യാസം അരുത്. (57:27)
66. നഗ്നത മറക്കണം (7:31)
67. ശുദ്ധി (വൃത്തി) സൂക്ഷിക്കണം (9:108)
68. കോപം അടക്കി നിർത്തണം (3:134)
69. സമ്മതം കൂടതെ അന്യരുടെ വീട്ടിൽ പ്രവേശിക്കരുത്. (24 :27)
70. രക്ത ബന്ധമുള്ളവർ തമ്മിൽ വിവാഹം അരുത്. (4:23)
71. മാതാക്കൾ മക്കൾക്ക് പൂർണ്ണമായി മുലയൂട്ടണം. (2:233)
72. മാതാ പിതാക്കൾക്ക് നന്മ ചെയ്യണം (17:23)
73. മാതാപിതാക്കളോട് മുഖം ചുളിച്ച് സംസാരിക്കരുത്. (17:23)
74. മാതാപിതാക്കളുടെ സ്വകര്യ മുറിയിൽ അനുവാദമില്ലാതെ പ്രവേശിക്കരുത്. (24:58)
75. കടം വാങ്ങുന്നതും കൊടുക്കുന്നതും എഴുതി വെക്കണം. (2:282)
76. കടം വീട്ടുവാൻ ബുദ്ധിംട്ടുന്നുവെങ്കിൽ വിഷമിപ്പിക്കരുത്. (2:280)
77. ഭൂരിപക്ഷം സത്യത്തിന്റെ മാനദണ്ഡമല്ല. (6:116)
78. സ്ത്രീകൾ മാന്യമയി ഒതുക്കത്തോടെ കഴിയണം. (33:33)
79. മരണപ്പെട്ടവന്റെ സ്വത്ത് കുടുംബാംഗങ്ങൾക്ക് അനന്തരം നൽകണം. (4:7)
80. സ്ത്രീകൾക്കും സ്വത്തവകാശം ഉണ്ട്. (3:195)
81. സ്ത്രീ ആ!യാലും പുരുഷനായാലും കർമ്മങ്ങൾക്ക് തുല്യ പ്രതിഫലം ഉണ്ട്. (3:195)
82. കുടുംബത്തിന്റെ നേതൃത്വം പുരുഷന് നൽകണം. (4:34)
83. ആർത്തവ കാലത്ത് ലൈംഗിക സമ്പർക്കം അരുത് (2:222)
84. പ്രപഞ്ചത്തിലെ അൽഭുതങ്ങളെ കുരിച്ച് ചിന്തിക്കണം. (3:191)
85. വിജ്ഞാനം നേടുന്നവർക്ക് ഉന്നത പദവി നൽകും. (58:11)
86. ഭരണാധികാരികളെ പ്രാപ്തി നോക്കി തിരഞ്ഞെടുക്കണം. (2:247)
87. ആരാധനലയങ്ങളിൽ നിന്ന് ആളുകളെ തടയരുത്. (2:114)
88. മറ്റു മതസ്തരുടെ ആരാധ്യ വസ്തുക്കളെ നിന്ദിക്കരുത്. (6:108)
89. എല്ലാ പ്രവചകരേയും അംഗീകരിക്കണം. (2:285)
90. സത്യത്തിലേക്ക് ക്ഷണിക്കുന്നത് സദുപദേശത്തോടു കുടിയാവണം. (16:125)
91. ആരാധന വേളയിൽ നല്ല വസ്ത്രം അണിയണം. (7:31)
92. മതത്തിൽ നിർബന്ധിക്കാൻ പാടില്ല. (2:256)
93. ഒരാൾക്ക് കഴിയാത്തത് അയാളെ നിർബന്ധിക്കരുത്. (2:286)
94. കഷ്ടപാടുകളിലും വിഷമതകളിലും ക്ഷമ കൈ കൊള്ളണം. (2:286)
95. അനാചാരങ്ങൾക്കെതിരെ പോരാടണം. (5:63)
96. വർഗ്ഗീയത അരുത്. (49 :13)
97. ദൈവത്തോട് മാത്രം പ്രാർത്ഥിക്കുന്നവർക്ക് നിർഭയത്വം നൽകും. (24:55)
98. ദൈവം കാരുണ്യവാനാണ്. അവനോട് പാപമോചനം തേടുക. (73:20)
99. ദൈവം എല്ലാ പാപങ്ങളും ഒന്നിച്ച് മാപ്പ് ചെയ്യുന്നവനാകുന്നു. (39:53)
100. ദൈവ കാരുണ്യത്തെ കുരിച്ച് നിരാശരാവരുത്. (39:29)