മാഹിയിൽ 18 കിലോ സ്വർണം പിടിച്ചെടുത്തു; പിടിയിലായത് കേരളത്തിലെ പ്രമുഖ ജൂവലറികളിലേക്ക് വിതരണം ചെയ്യുവാൻ കൊണ്ടുവരവേ

കണ്ണൂർ: മാഹിയിൽ 18 കിലോ സ്വർണം പിടിച്ചെടുത്തു. വാഹന പരിശോധനയ്ക്കിടെ പൂഴിത്തല ചെക്ക്പോസ്റ്റിൽ വച്ചാണ് വ്യാഴാഴ്ച സ്വർണം പിടികൂടിയത്. തെരഞ്ഞെടുപ്പിന്റെ ഭാ​ഗമായി ആണ് പരിശോധന നടന്നത്. മഹാരാഷ്ട്ര രജിസ്ട്രേഷനിലുള്ള മഹീന്ദ്രാ വാഹനത്തിൽ നിന്നാണ് സ്വർണം പിടിച്ചത്. കേരളത്തിലെ പ്രമുഖ ജൂവലറികളിലേക്ക് വിതരണം ചെയ്യുവാൻ കൊണ്ടുപോകുന്നതാണ് ഈ സ്വർണ്ണമെന്നാണ് വാഹനത്തിലുണ്ടായിരുന്നവർ പറഞ്ഞത്. രേഖകൾ പരിശോധിച്ചു വരികയാണെന്ന് മാഹി അഡ്‌മിനിസ്ട്രേറ്റർ അറിയിച്ചു.