ദോഹ: ഖത്തറിൽ കാർ നിയന്ത്രണം വിട്ട് മറിഞ്ഞ് മലയാളി സഹോദരങ്ങൾ മരിച്ചു. കോഴിക്കോട് സ്വദേശികളാണ് മരിച്ചത്. കോഴിക്കോട് നടുവട്ടം ബർസാൻ റിയൽ എസ്‌റ്റേറ്റ് ഉടമയായ സക്കീർ മാളിയേക്കലിന്റെ മക്കളായ നജ്മൽ റിസ് വാൻ മുഹമ്മദ് ജുനൈദ് നിബ്‌റാസ് എന്നിവരാണ് മരിച്ചത്.

പുലർച്ചെ ദോഹയിലെ ഐൻ ഖാലിദിൽ വച്ച് ഇവർ സഞ്ചരിച്ചിരുന്ന ലാന്റ് ക്രൂയിസർ കാർ നിയന്ത്രണം വിട്ട് മറിയുകയായിരുന്നു. നജ്മലിന് 20 വയസും മുഹമ്മദിന് 22 വയസുമായിരുന്നു പ്രായം.

ഹമദ് ആശുപത്രി മോർച്ചറിയിൽ സൂക്ഷിച്ചിരിക്കുന്ന മൃതദേഹങ്ങൾ നടപടി ക്രമങ്ങൾക്ക് ശേഷം ഇന്ന് രാത്രി തന്നെ നാട്ടിൽ എത്തിച്ചേക്കും. സംസ്‌കാരം വ്യാഴാഴ്ച രാവിലെ മാത്തോട്ടം ജുമാ മസ്ജിദിൽ നടക്കും എന്ന് ബന്ധുക്കൾ അറിയിച്ചു.