ന്യൂജേഴ്‌സി: സോമർസെറ്റ് സെന്റ് തോമസ് സീറോ മലബാർ കാത്തലിക് ഫെറോനാ ഇടവകയുടെ യുവജന വിഭാഗം സംഘടിപ്പിക്കുന്ന ഒന്നാമത് വാർഷീക 5K സീറോറൺ/ വാക്ക് ന്യൂജേഴ്‌സിയിലെ സോമർ സെറ്റിലുള്ള കൊളോണിയൽ പാർക്കിൽ വച്ചു 30ന് ശനിയാഴ്ച രാവിലെ 9 മണി മുതൽ നടത്തപ്പെടും (Location: Colonial Park, 156 Mettlers Road, Somerset, NJ 08873).

ന്യൂജേഴ്‌സിയിലെ സോമർസെറ്റ് സെന്റ് തോമസ് സീറോ മലബാർ കാത്തലിക് ഫെറോനാ ദേവാലയം പുതുതായി നിർമ്മിച്ചുവരുന്ന ദേവാലയത്തിന്റെ തുടർനിർമ്മാണ പ്രവർത്തനങ്ങൾക്ക് പണം സ്വരൂപിക്കുന്നിനാണ് 5k റൺ /വാക്ക് ലക്ഷ്യമിടുന്നത്. സെന്റ്‌തോമസ് യുവജന സംഘടനയുടെ ആഭിമുഖ്യത്തിൽ നടത്തുന്ന ഈ ഉദ്യമത്തിന് വമ്പിച്ച പ്രതികരണമാണ് ലഭിച്ചുകൊണ്ടിരിക്കുന്നത്. 500ൽ പരം ആളുകൾ ഇതിനോടകം പേര് രജിസ്റ്റർ ചെയ്തുകഴിഞ്ഞതായി സംഘാടകർ  അറിയിച്ചു. ഏകദേശം 600 പേരെയാണ് ഈ ഉദ്യമത്തിൽ പ്രതീക്ഷിക്കുന്നത്. രജിസ്‌ട്രേഷന് ഫീസ് ഒരാൾക്ക് 30 ഡോളറും, കുട്ടികൾക്ക് 10 ഡോളറും, നാലുപേരടങ്ങുന്ന കുടുംബത്തിന് 100 ഡോളറുമായി നിജപ്പെടുത്തിയിരിക്കുന്നു.

ഇനിയും പങ്കെടുക്കാൻ ആഗ്രഹിക്കുന്നവർക്ക് പേര് രജിസ്റ്റർ ചെയ്യുന്നതിനുള്ള സൗകര്യം ഉണ്ടായിരിക്കുന്നതാണ്. അമേരിക്കയിലുള്ള എല്ലാ മലയാളികൾക്കും, മലയാളി സംഘടനകൾക്കും ഈ പരിപാടിയിൽ പങ്കെടുക്കാം. മുതിർന്നവർക്കും, കുട്ടികൾക്കും പ്രത്യേകം പ്രത്യേകം  മത്സരങ്ങൾ നടത്തപ്പെടും . 5K റൺ /വാക്ക് വിജയികൾക്ക് ടി ഷർട്ടും, വിവിധ സമ്മാനങ്ങളും നല്കുന്നതാണെന്ന് സംഘാടകർ അറിയിച്ചു. 5k റണ്ണിൽ പങ്കെടുക്കുന്നവർക്ക്'ബാർബിക്യൂ'ഏർപ്പെടുത്തിയിട്ടുണ്ടെന്നും സഘാടകർ അറിയിക്കുന്നു.

ഫൊറോനാ ഇടവകയുടെ യുവജന വിഭാഗം മുൻകൈ എടുത്തു നടത്തുന്ന ഈ ഉദ്യമത്തിനു,കുഞ്ഞുങ്ങളെ വികാരി ഫാ.തോമസ് കടുകപ്പിള്ളിൽ അഭിനന്ദിച്ചു. ഒന്നാമത് വാർഷീക 5K സീറോ റൺ/വാക്ക്‌നെക്കുറിച്ച് കൂടുതൽ വിവരങ്ങൾക്കും, രജിസ്‌ട്രേഷനും, താഴെ പറയുന്നവരുമായി   ബന്ധപ്പെടുക,

ഡാനി ജോസഫ് (908) 9384513, ജിമ്മി ജോസഫ് (908) 7459531, കോളിൻ മോർസ് (732) 7894774. വൈശാക് കുര്യൻ (732) 4290707, സബ്രീന അലക്‌സ് (908) 4622277. വെബ്‌സൈറ്റ്: WWW.SYRORUN.ORG സെബാസ്റ്റ്യൻ ആന്റണി അറിയിച്ചതാണിത്.