മലയാള ചലച്ചിത്ര ഗാനശാഖയെ സമ്പന്നമാക്കിയ നിത്യഹരിത സൃഷ്ടികളെ പ്രേക്ഷകർക്ക് പരിചയപ്പെടുത്തുന്ന 'ഓർമ്മയിൽ ഒരു ഗാന' പരമ്പര അഞ്ചാമത്തെ എപ്പിസോഡിലേക്കു കടക്കുകയാണ്. ഈ എപ്പിസോഡിൽ പരിപാടിയുടെ ക്രിയേറ്റിവ് ഡയറക്ടറായ വിശ്വലാൽ റ്റി.ആർ 'അനുരാഗ ഗാനം പോലെ' എന്ന മനോഹര ഗാനവുമായി നിങ്ങളുടെ മുമ്പിലെത്തുന്നു. 1967 ൽ റിലീസായ 'ഉദ്യോഗസ്ഥ'' എന്ന ചിത്രത്തിനു വേണ്ടി യൂസഫലി കേച്ചേരി എഴുതി എം.എസ്. ബാബുരാജ് ഈണം നൽകി ഭാവഗായകനായ പി. ജയചന്ദ്രൻ ആണ് ഈ ഗാനം ആലപിച്ചിരിക്കുന്നത്.

മലയാളികൾ എന്നും നെഞ്ചോട് ചേർത്തുവച്ചിട്ടുള്ള അനശ്വരങ്ങളായ 'സുറുമയെഴുതിയ മിഴികളേ' പാവാടപ്രായത്തിൽ നിന്നെ ഞാൻ കണ്ടപ്പോൾ 'ഇക്കരെയാണെന്റെ താമസം' 'കടലേ നീലക്കടലെ' തുടങ്ങിയ ഗാനങ്ങൾ സാർത്ഥകമാക്കിയത് യൂസഫലി കേച്ചേരി - ബാബുരാജ് കൂട്ടുകെട്ടാണ്.വയലാറിനും ഒഎൻവിക്കും ശേഷം ഗാനരചന ദേശീയ പുരസ്‌കാര നിറവിലേക്ക് ഉയർത്തപ്പെടുത്തുന്നത് യൂസഫലിയിലൂടെയാണ്. അഗാധ സംസ്‌കൃത പാണ്ഡിത്യം ആയിരുന്നു യൂസഫലിയെ തരളമധുരമായ ഗാനങ്ങൾ രചിക്കാൻ പ്രചോദനമാക്കി മാറ്റിയത്. ഏതാണ്ട് 140 ചിത്രങ്ങൾക്കായി 660 ൽ പരം ഗാനരചന നിർവഹിച്ചിട്ടുണ്ട്.

ഈ ഗാനത്തോടൊപ്പം നൃർത്തചുവടുകൾ വയ്ക്കുന്നത് കാർഡിഫിലെ നൃത്താദ്ധ്യാപികയായ കലാമണ്ഡലം ശിൽപ്പാ ശശികുമാർ ആണ്. ക്രിയേറ്റീവ് ഡയറക്ടർ: വിശ്വലാൽ രാമകൃഷ്ണൻ, ആർട്ട്, ക്യാമറ ആൻഡ് എഡിറ്റിങ്: ജെയ്‌സൺ ലോറൻസ്.