മക്കയിലെത്തി ഉംറ നിർവ്വഹിച്ച് എ ആർ റഹ്‌മാനും കുടുംബവും; ദൃശ്യങ്ങൾ ഇൻസ്റ്റാഗ്രാമിൽ പങ്കുവച്ചു

മക്ക: ഓസ്‌കാർ പുരസ്‌കാര ജേതാവും പ്രശസ്ത സംഗീത സംവിധായകനുമായ എ ആർ റഹ്‌മാൻ മക്കയിലെത്തി ഉംറ നിർവ്വഹിച്ചു. മക്കളായ റഹീമ റഹ്‌മാൻ, ഖദീജ റഹ്‌മാൻ, എ ആർ അമീൻ എന്നിവരും അദ്ദേഹത്തിനൊപ്പം ഉംറ നിർവ്വഹിക്കാനെത്തിയിരുന്നു. മക്കയുടെ മദീനയും സന്ദർശിച്ച ശേഷമാണ് അദ്ദേഹം നാട്ടിലേക്ക് മടങ്ങിയത്.

എല്ലാ വർഷവും ഉംറ നിർവ്വഹിക്കാൻ എത്താറുള്ള എ ആർ റഹ്‌മാന് കോവിഡ് വ്യാപനം മൂലം കഴിഞ്ഞ രണ്ട് വർഷം ഉംറയ്ക്ക് എത്താൻ കഴിഞ്ഞിരുന്നില്ല. അതുകൊണ്ട് ഈ വർഷം റമദാന്റെ ആദ്യ വാരത്തിൽ തന്നെ അദ്ദേഹം കുടുംബസമേതം എത്തുകയായിരുന്നു.

 

 

 

View this post on Instagram

A post shared by ARR (@arrahman)

മക്കയിൽ വിശ്വാസികൾ കഅ്ബക്ക് ചുറ്റും വലം വെക്കുന്ന ദൃശ്യങ്ങൾ അദ്ദേഹം ഇൻസ്റ്റാഗ്രാമിൽ പങ്കുവെച്ചിട്ടുണ്ട്. മക്കയിലെ അൽ മർവ്വ റയ്ഹാൻ ഹോട്ടലിലെ എക്സിക്യൂട്ടീവ് ഷെഫ് ഹക്കീമുൽ ഇസ്ലാമുമൊത്തുള്ള സെൽഫി ചിത്രവും സോഷ്യൽ മീഡിയയിൽ പ്രചരിക്കുന്നുണ്ട്. ഹക്കീമുൽ ഇസ്ലാമാണ് ഈ ചിത്രം ഫേസ്‌ബുക്കിൽ പങ്കുവെച്ചത്.