സിനിമയെ തകർക്കാനായി ചിലർ ശ്രമിക്കുന്നു; ഒരുപാടാളുകളുടെ, ഒരുപാട് നാളത്തെ വലിയൊരു പ്രയത്നത്തെ ഇങ്ങനെ വികലമാക്കി കെടുത്തിക്കളയരുത്; മനപ്പൂർവ്വമല്ലെങ്കിലും, മനപ്പൂർവ്വമാണെങ്കിലും, തമാശയ്ക്കാണെങ്കിലും ഈ പ്രവണത അവസാനിപ്പിച്ചേ മതിയാകൂ; ആട് സിനിമയുടെ പ്രധാന ഭാഗങ്ങൾ മൊബൈലിൽ ഷൂട്ട് ചെയ്ത് പുറത്തെത്തിക്കുന്നതിനെതിരെ അണിയറ പ്രവർത്തകർ
കൊച്ചി: ആട് 2 എന്ന ചിത്രം ഉള്ള തീയറ്ററുകൾ ക്രിസ്മസ് അവധിക്ക് നിറഞ്ഞ് കവിയുകയാണ്. രണ്ടാം വരവിൽ അത്രയും മികച്ച പ്രതികരണമാണ്് ചിത്രത്തിന് ലഭിക്കുന്നത്. എന്നാൽ ചിത്രത്തിന് വലിയ തിരിച്ചടി നൽകുകയാണ് ചിലർ. സിനിമയുടെ പ്രധാന ഭാഗങ്ങൾ എല്ലാം മൊബൈലിൽ ഷൂട്ട് ചെയ്ത് ഇന്റർനെറ്റിൽ വ്യാപകമായി പ്രചരിപ്പിക്കുന്നവരാണ് അത്തരക്കാർ. ഇതിനെതിരെ ശക്തമായി രംഗത്ത് വന്നിരിക്കുകയാണ് ആട് 2 ടീം. ഫേസ്‌ബുക്ക് വഴിയാണ് അണിയറ പ്രവർത്തകർ പ്രതികരിച്ചത്. ദയവ് ചെയ്ത് ഇപ്രകാരം ഒരുപാടാളുകളുടെ, ഒരുപാട് നാളത്തെ വലിയൊരു പ്രയത്നത്തെ ഇങ്ങനെ വികലമാക്കി കെടുത്തിക്കളയരുത്. മനപ്പൂർവ്വമല്ലെങ്കിലും, മനപ്പൂർവ്വമാണെങ്കിലും, തമാശയ്ക്കാണെങ്കിലും ഈ പ്രവണത അവസാനിപ്പിച്ചേ മതിയാകൂ.. ഈ പടത്തിനോടെന്നല്ല.. ഒരു സിനിമയോടും ഇങ്ങനെ ചെയ്യരുതെന്നും പോസ്റ്റിൽ പറയുന്നു. ഫേസ്‌ബുക്ക് പോസ്റ്റിന്റെ പൂർണരൂപം പ്രിയപ്പെട്ട 'ആട്' ആരാധകരുടെ ശ്രദ്ധയ്ക്ക്... ആട് 2 വൻവിജയമാക്കിക്കൊണ്ടിരിക്കുന്ന ഏവരോടും നന്ദി പറയുന്നതിനോടൊപ്പം വിഷമകരമായ ഒരു കാര്യം കൂടി നിങ്ങളുടെ ശ്രദ്ധയിൽ
കൊച്ചി: ആട് 2 എന്ന ചിത്രം ഉള്ള തീയറ്ററുകൾ ക്രിസ്മസ് അവധിക്ക് നിറഞ്ഞ് കവിയുകയാണ്. രണ്ടാം വരവിൽ അത്രയും മികച്ച പ്രതികരണമാണ്് ചിത്രത്തിന് ലഭിക്കുന്നത്. എന്നാൽ ചിത്രത്തിന് വലിയ തിരിച്ചടി നൽകുകയാണ് ചിലർ. സിനിമയുടെ പ്രധാന ഭാഗങ്ങൾ എല്ലാം മൊബൈലിൽ ഷൂട്ട് ചെയ്ത് ഇന്റർനെറ്റിൽ വ്യാപകമായി പ്രചരിപ്പിക്കുന്നവരാണ് അത്തരക്കാർ. ഇതിനെതിരെ ശക്തമായി രംഗത്ത് വന്നിരിക്കുകയാണ് ആട് 2 ടീം. ഫേസ്‌ബുക്ക് വഴിയാണ് അണിയറ പ്രവർത്തകർ പ്രതികരിച്ചത്.
ദയവ് ചെയ്ത് ഇപ്രകാരം ഒരുപാടാളുകളുടെ, ഒരുപാട് നാളത്തെ വലിയൊരു പ്രയത്നത്തെ ഇങ്ങനെ വികലമാക്കി കെടുത്തിക്കളയരുത്. മനപ്പൂർവ്വമല്ലെങ്കിലും, മനപ്പൂർവ്വമാണെങ്കിലും, തമാശയ്ക്കാണെങ്കിലും ഈ പ്രവണത അവസാനിപ്പിച്ചേ മതിയാകൂ.. ഈ പടത്തിനോടെന്നല്ല.. ഒരു സിനിമയോടും ഇങ്ങനെ ചെയ്യരുതെന്നും പോസ്റ്റിൽ പറയുന്നു.
ഫേസ്‌ബുക്ക് പോസ്റ്റിന്റെ പൂർണരൂപം
പ്രിയപ്പെട്ട 'ആട്' ആരാധകരുടെ ശ്രദ്ധയ്ക്ക്...
ആട് 2 വൻവിജയമാക്കിക്കൊണ്ടിരിക്കുന്ന ഏവരോടും നന്ദി പറയുന്നതിനോടൊപ്പം വിഷമകരമായ ഒരു കാര്യം കൂടി നിങ്ങളുടെ ശ്രദ്ധയിൽപെടുത്തുകയാണ്.
ആദ്യദിനം തന്നെ നിരവധിപേർ, പടത്തിന്റെ പ്രധാന ഇൻട്രോകൾ, ചില പ്രധാനരംഗങ്ങൾ എന്നിവ തീയേറ്ററിൽ നിന്ന് വ്യാപകമായി മൊബൈലിൽ പകർത്തി സോഷ്യൽ മീഡിയയിൽക്കൂടി പങ്കുവെക്കുന്നതായി കാണപ്പെടുന്നത് അത്യന്തം ആശങ്ക ഉളവാക്കുന്നു.
പടത്തിന്റെ ആരാധകരുടെ തീയേറ്ററിനുള്ളിലെ ആവേശവും, ആഘോഷവും പകർത്തുവാനായി സദുദ്ദേശപരമായി ക്യാമറയിൽ പകർത്തിയവരാകും അതിൽ കൂടുതൽ പേരും. അതൊക്കെത്തന്നെ ടൈറ്റിൽ ക്രെഡിറ്റ് തീരുന്നതോടുകൂടിയോ, ഏതാനും സെക്കന്റുകൾ നീളുന്ന ക്യാരക്ടർ ഇൻട്രോകളിലോ അവസാനിക്കുന്ന തരത്തിലുള്ളവയാണ്. കൂടാതെ അത്തരക്കാർ ചിത്രീകരിക്കുന്നത് തീയേറ്റിനുള്ളിലെ ക്രൗഡിനേക്കൂടി ഉൾപ്പെടുത്തിയാണ്.
പക്ഷേ, ചിലർ മനപ്പൂർവ്വമായി മിനിട്ടുകൾ നീളുന്ന രംഗങ്ങൾ, തീയേറ്റർ സ്‌ക്രീൻ മാത്രം കിട്ടത്തക്കരീതിയിൽ ചിത്രീകരിച്ച് വ്യാപകമായി ദുരുപയോഗം ചെയ്യുന്നതിനെപ്പറ്റിയാണ് ഞങ്ങൾ ഉദ്ദേശിച്ചത്.
ദയവ് ചെയ്ത് ഇപ്രകാരം ഒരുപാടാളുകളുടെ, ഒരുപാട് നാളത്തെ വലിയൊരു പ്രയത്നത്തെ ഇങ്ങനെ വികലമാക്കി കെടുത്തിക്കളയരുത്.
മനപ്പൂർവ്വമല്ലെങ്കിലും, മനപ്പൂർവ്വമാണെങ്കിലും, തമാശയ്ക്കാണെങ്കിലും ഈ പ്രവണത അവസാനിപ്പിച്ചേ മതിയാകൂ.. ഈ പടത്തിനോടെന്നല്ല.. ഒരു സിനിമയോടും ഇങ്ങനെ ചെയ്യരുത്.
നിലവിലുള്ളവയ്ക്ക് പിന്നിലുള്ളവർ എത്രയും പെട്ടെന്നുതന്നെ അവരുടെ തെറ്റ് തിരുത്തുമെന്ന് പ്രതീക്ഷിക്കുന്നു. ഇനിയും ചിത്രം കാണാനുള്ളവർ വരും ദിനങ്ങളിൽ ഇപ്രകാരം ആവർത്തിക്കാതെ ഞങ്ങളുടെ വിജയത്തിൽ ; നല്ലസിനിമയുടെ വിജയത്തിൽ പങ്കുചേരുവാൻ അഭ്യർത്ഥിക്കുന്നു.
- ആട് 2 ടീം
