ഭാവിയിൽ ഗുണം ചെയ്യുമെങ്കിൽ നോട്ട് പിൻവലിക്കൽ നല്ലതെന്ന് ആമീർ ഖാൻ; കള്ളപ്പണത്തിന് കടിഞ്ഞാണിടാൻ ശക്തമായ നടപടിയെന്ന് ഐശ്വര്യ; നിർണായകമായ ഒരു ചുവടുവെയ്‌പ്പെന്ന് സൽമാനും; പ്രധാനമന്ത്രിയെ അഭിനന്ദിച്ച് ബോളിവുഡ് താരങ്ങൾ
കള്ളപ്പണവേട്ടയുടെ ഭാഗമായി 500, 1000 നോട്ടുകൾ അസാധുവാക്കിയ പ്രധാനമന്ത്രിയുടെ നടപടിയെ പ്രകീർത്തിച്ച് ബോളിവുഡ് താരങ്ങൾ രംഗത്ത്. ആമീർ ഖാൻ , ഐശ്വര്യ റായ്, സൽമാൻ ഖാൻ തുടങ്ങിയവരാണ് നടപടിക്ക് പിന്തുണ നൽകിയിരിക്കുന്നത്. ഭാവിയിൽരാജ്യത്തിന് ഗുണം ചെയ്യുമെങ്കിൽ 500, 1000 രൂപ നോട്ടുകൾ പിൻവലിച്ച കേന്ദ്ര സർക്കാരിന്റെ നടപടി നല്ലതാണെന്നാണ് ആമീർ ഖാൻ പറയുന്നത്. സർക്കാരിന്റെ ഈ നടപടി തന്റെ പുതിയ ചിത്രമായ ദംഗലിന്റെ റിലീസിനെ ബാധിക്കുമോ എന്ന ചോദ്യത്തിന് മറുപടി നൽകുകയായിരുന്നു ആമീർ. ദീർഘകാലത്ത് രാജ്യത്തെ ജനങ്ങളെ എങ്ങിനെ ബാധിക്കുന്നു എന്നതാണ് ഏറ്റവും പ്രധാനം. ഒരു ചെറിയ കാലയളവിൽ ഉണ്ടാകുന്ന ബുദ്ധിമുട്ടുകളല്ല നമ്മൾ പരിഗണിക്കേണ്ടത്. രാജ്യത്തിന് ഗുണം ചെയ്യുന്നുവെങ്കിൽ എന്റെ സിനിമയക്ക് ഉണ്ടാകുന്ന നഷ്ടത്തിന് ഒട്ടും പ്രസക്തിയില്ല. ആമീർ പറഞ്ഞു. പണമൊഴുക്ക് സുഗമമല്ലാത്തതിനാൽ വ്യത്യസ്ത ഭാഷകളിലായി നിരവധി ചിത്രങ്ങളുടെ റിലീസ് മാറ്റിവച്ചിരിക്കുകയാണ്. ചില്ലറ പ്രതിസന്ധിയെ തുടർന്ന് തിയ്യറ്ററുകളിൽ ആളുകൾ എത്താത്തതിനാൽ ഏറെ പ്രതീക്ഷകളോട
കള്ളപ്പണവേട്ടയുടെ ഭാഗമായി 500, 1000 നോട്ടുകൾ അസാധുവാക്കിയ പ്രധാനമന്ത്രിയുടെ നടപടിയെ പ്രകീർത്തിച്ച് ബോളിവുഡ് താരങ്ങൾ രംഗത്ത്. ആമീർ ഖാൻ , ഐശ്വര്യ റായ്, സൽമാൻ ഖാൻ തുടങ്ങിയവരാണ് നടപടിക്ക് പിന്തുണ നൽകിയിരിക്കുന്നത്. ഭാവിയിൽരാജ്യത്തിന് ഗുണം ചെയ്യുമെങ്കിൽ 500, 1000 രൂപ നോട്ടുകൾ പിൻവലിച്ച കേന്ദ്ര സർക്കാരിന്റെ നടപടി നല്ലതാണെന്നാണ് ആമീർ ഖാൻ പറയുന്നത്. സർക്കാരിന്റെ ഈ നടപടി തന്റെ പുതിയ ചിത്രമായ ദംഗലിന്റെ റിലീസിനെ ബാധിക്കുമോ എന്ന ചോദ്യത്തിന് മറുപടി നൽകുകയായിരുന്നു ആമീർ.
ദീർഘകാലത്ത് രാജ്യത്തെ ജനങ്ങളെ എങ്ങിനെ ബാധിക്കുന്നു എന്നതാണ് ഏറ്റവും പ്രധാനം. ഒരു ചെറിയ കാലയളവിൽ ഉണ്ടാകുന്ന ബുദ്ധിമുട്ടുകളല്ല നമ്മൾ പരിഗണിക്കേണ്ടത്. രാജ്യത്തിന് ഗുണം ചെയ്യുന്നുവെങ്കിൽ എന്റെ സിനിമയക്ക് ഉണ്ടാകുന്ന നഷ്ടത്തിന് ഒട്ടും പ്രസക്തിയില്ല. ആമീർ പറഞ്ഞു.
പണമൊഴുക്ക് സുഗമമല്ലാത്തതിനാൽ വ്യത്യസ്ത ഭാഷകളിലായി നിരവധി ചിത്രങ്ങളുടെ റിലീസ് മാറ്റിവച്ചിരിക്കുകയാണ്. ചില്ലറ പ്രതിസന്ധിയെ തുടർന്ന് തിയ്യറ്ററുകളിൽ ആളുകൾ എത്താത്തതിനാൽ ഏറെ പ്രതീക്ഷകളോടെ പുറത്തിറങ്ങിയ റോക്ക് ഓൺ 2 പ്രതിസന്ധി നേരിടുകയാണ്.
ഒരു ഇന്ത്യക്കാരിയെന്ന നിലയിൽ നോട്ട് അസാധു ആക്കിയ നടപടിയിൽ ആത്മാർത്ഥമായി പ്രധാനമന്ത്രിയെ അഭിനന്ദിക്കുന്നുവെന്ന് ഐശ്വര്യ പറയുന്നു. ഒരു മാറ്റത്തെ ഉൾക്കൊള്ളാൻ നമുക്ക് പെട്ടന്നു കഴിയണമെന്നില്ല. എന്നാൽ ആ മാറ്റം കൊണ്ട് ഗുണം ഉണ്ടാകുന്നുവെങ്കിൽ ജനങ്ങൾ അതിനെ സ്വീകരിക്കും. ഐശ്വര്യ ഒരു ദേശീയ മാദ്ധ്യമത്തോട് പറഞ്ഞു.
ഒരു പൊതുപരിപാടിയിലാണ് സൽമാൻ ഖാൻ നോട്ട് അസാധുവാക്കിയ നടപടിയെ പ്രകീർത്തിച്ച് സംസാരിച്ചത്.പ്രധാനമന്ത്രി നിർണായകമായ ഒരു ചുവടുവെയ്‌പ്പാണ് നടത്തിയിരിക്കുന്നത്. കള്ളപ്പണത്തെ തുടച്ചുമാറ്റുന്നതിന് വേണ്ടി അദ്ദേഹം സ്വീകരിച്ചിരിക്കുന്ന ഈ പുതിയ നടപടിയെ ഞാൻ സല്യൂട്ട് ചെയ്യുന്നു. സൽമാൻ പറഞ്ഞു.
സർക്കാറിന്റെ പുതിയ പരിഷ്‌കാരത്തെ പിന്തുണച്ചും എതിർത്തും രാഷ്ട്രീയ- സിനിമാ മേഖലകളിലെ പ്രമുഖർ രംഗത്തുണ്ട്. പണമൊഴുക്ക് സുഗമമല്ലാത്തതിനാൽ തിയ്യറ്ററുകളിൽ ആളില്ലാത്തത് സിനിമ വ്യവസായത്തിന് തിരിച്ചടിയായിട്ടുണ്ട്.
