മാവേലിക്കര: മദ്യപിച്ച പൊലീസുകാരൻ ഓടിച്ച കാറിടിച്ച് സ്‌കൂട്ടർ യാത്രക്കാരിക്ക് പരിക്കേറ്റു. പന്തളം കുളനട കുറ്റിയിൽ മഹാലക്ഷ്മി (30) എന്ന യുവതിക്കാണ് പരിക്കേറ്റത്. ഇവരെ ആശുപത്രിയിൽ പ്രവേശിപ്പിച്ചു. നടയ്ക്കാവ് ജങ്ഷനിലെ വളവിൽ ഇന്നലെ വൈകീട്ടായിരുന്നു അപകടം.

കുറത്തികാട് പൊലീസ് സ്റ്റേഷനിലെ സിപിഒ ഈരേഴ വടക്ക് വിഷ്ണു വിഹാറിൽ വിഷ്ണു (31) ആണ് കാർ ഓടിച്ചിരുന്നത്. പുതിയകാവ് ഭാഗത്തേക്കു പോകുകയായിരുന്ന സ്‌കൂട്ടറിൽ പിന്നാലെയെത്തിയ കാർ ഇടിക്കുകയായിരുന്നു. ഇടിച്ച ശേഷം മുന്നോട്ടു നീങ്ങിയ കാർ സമീപത്തെ ഇരുമ്പ് തൂണിൽ ഇടിച്ചാണു നിന്നത്.

സ്‌കൂട്ടറിൽ നിന്നു തെറിച്ചു വീണ മഹാലക്ഷ്മിയെ സ്ഥലത്തെത്തിയ എസ്ഐ എസ് മിനുമോളുടെ നേതൃത്വത്തിലുള്ള പൊലീസാണ് ആശുപത്രിയിൽ എത്തിച്ചത്. കാർ ഓടിച്ചിരുന്ന വിഷ്ണു മദ്യപിച്ചിരുന്നതായി ഡോക്ടർ റിപ്പോർട്ട് നൽകിയിട്ടുണ്ടെന്നു എഫ്ഐആറിൽ രേഖപ്പെടുത്തിയിട്ടുണ്ട്.

 

കാർ ഓടിച്ചു സ്‌കൂട്ടർപരിക്ക്പൊലീസുകാരൻമദ്യപിച്ചുയാത്രക്കാരി