യുഎഇയിലെ റാസൽഖൈമയിലുണ്ടായ വാഹനാപകടത്തിൽ മരിച്ച മലയാളികൾ മരിച്ചു കോഴിക്കോട് സ്വദേശികൾ.പുതിയങ്ങാടി നജ്മ മൻസിലിൽ ഫിറോസ് പള്ളിക്കണ്ടി (46), കോഴിക്കോട് തട്ടോലിക്കര സ്വദേശി കലിയത്ത് ശിവദാസ് (48) എന്നിവരാണ്, റാക് 611 ബൈപ്പാസിലുണ്ടായ വാഹനാപകടത്തിൽ മരിച്ചത്.

ദിബ്ബ മോഡേൺ ബേക്കറിയിലെ ജീവനക്കാരായിരുന്ന ഇവർ അവിടെ നിന്ന് ഷാർജയിലെ താമസ സ്ഥലത്തേക്ക് വരുന്നതിനിടെയായിരുന്നു സംഭവം. ഇവർ സഞ്ചരിച്ചിരുന്ന വാൻ ഒരു ട്രെയിലറിന്റെ പിന്നിൽ ഇടിക്കുകയായിരുന്നു. ഗുരുതരമായി പരിക്കേറ്റ ഇരുവരും സംഭവ സ്ഥലത്തുവെച്ചുതന്നെ മരിച്ചു. ഫിറോസായിരുന്നു വാഹനം ഓടിച്ചിരുന്നത്.

ഒരു വർഷത്തിലേറെയായി ഫിറോസ് ദിബ്ബ മോഡേൺ ബേക്കറിയിൽ ജോലി ചെയ്തുവരികയായിരുന്നു. ഇമ്പിച്ചമ്മു പള്ളിക്കണ്ടി - സൈനബ് ദമ്പതികളുടെ മകനാണ്. ഭാര്യ - സറീനഎട്ട് മാസം മുമ്പാണ് ശിവദാസ് ഇവിടെ ജോലിയിൽ പ്രവേശിച്ചത്. മാധവൻ - വിമല ദമ്പതികളുടെ മകനാണ്. ഭാര്യ - കോമളവല്ലി. മക്കൾ - ഗോപിക, കീർത്തന.
മൃതദേഹങ്ങൾ നാട്ടിലെത്തെക്കാനുള്ള നടപടികൾ പുരോഗമിക്കുന്നതായി ദിബ്ബ മോഡേൺ ബേക്കറി അധികൃതർ അറിയിച്ചു.

മലയാളികൾ