കണ്ണൂർ: കണ്ണൂർ കോർപറേഷൻ പരിധിയിലെ കണ്ണോത്തും ചാലിൽ വാഹനാപകടം. റോഡരികിലെ തട്ടുകട വാഹനമിടിച്ച് തകർന്നു. അപകടത്തിൽ രണ്ട് വാഹനങ്ങൾക്കും കേട് പാട് പറ്റി. ഇന്ന് പുലർച്ചെയാണ് അപകടം നടന്നത്. കണ്ണോത്തുംചാൽ ഫോറസ്റ്റ് ഓഫീസിന് സമീപത്തെ കുറഞ്ഞ വിലയ്ക്ക് ചായയും പലഹാരവും ലഭിക്കുന്ന ഷാജഹാന്റെ തട്ട് കടയിലേക്ക് നിസാൻ എക്‌സ്‌ട്രൈൽ കാറാണ് ഇടിച്ചു കയറിയത്.

തട്ടുകട ഇടിച്ച് തകർത്ത ശേഷം സമീപത്ത് നിർത്തിയിട്ടിരുന്ന കാറും, ടിപ്പർ ലോറിയിലും ഇടിച്ച ശേഷം മാണ് അപകടം വരുത്തിയ വാഹനം നിന്നത്. ഡ്രൈവർ പരുക്കുകൾ ഇല്ലാതെ രക്ഷപ്പെട്ടു. പൊലിസെത്തിയാണ് വാഹനങ്ങൾ നീക്കം ചെയ്തത്. തലശേരി ഭാഗത്തു നിന്നും കണ്ണുരിലേക്ക് വരികയായിരുന്ന വാഹനത്തിന്റെ ഡ്രൈവർ ഉറങ്ങിപ്പോയതാണ് അപകടത്തിന് ഇടയാക്കിയതെന്നാണ് പൊലിസിന്റെ പ്രാഥമിക നിഗമനം.