കോഴിക്കോട്: കോഴിക്കോട് വെസ്റ്റ്ഹിലിൽ ബൈക്കും ബസും കൂട്ടിയിടിച്ച് രണ്ട് യുവാക്കൾ മരിച്ചു. ബൈക്കിൽ സഞ്ചരിച്ച തലക്കുളത്തൂർ പുറക്കാട്ടിരി പാലോറമല സ്വദേശികളായ നിധിൻ, മണികണ്ഠൻ എന്നിവരാണ് മരിച്ചത്.

വെസ്റ്റ്ഹിൽ സെന്റ് മൈക്കിൾസ് സ്‌കൂളിന് മുന്നിൽ വ്യാഴാഴ്ച രാവിലെ 9.30 ഓടെയായിരുന്നു അപകടം. അമിത വേഗതയിലായിരുന്നു ബൈക്ക് ഓടിച്ചിരുന്നത്. ഒരാൾ ഗവ. മെഡിക്കൽ കോളേജ് ആശുപത്രിയിലും മറ്റൊരാൾ സ്വകാര്യ ആശുപത്രിയിലുമാണ് മരിച്ചത്.