നെല്ലിയാമ്പതി വ്യൂപോയിന്റിൽ രണ്ടുയുവാക്കൾ കൊക്കയിലേക്ക് വീണു; തിരച്ചിൽ തുടങ്ങി

പാലക്കാട്: നെല്ലിയാമ്പതി കാണാനെത്തിയ രണ്ടു യുവാക്കൾ സീതാർകുണ്ട് വ്യൂപോയിന്റിൽ നിന്ന് കൊക്കയിലേക്ക് വീണു. ഒറ്റപ്പാലം, മേലൂർ സ്വദേശി സന്ദീപ്, കോട്ടായി സ്വദേശി രഘുനന്ദൻ എന്നിവരെയാണ് കാണാതായത്. മൂവായിരം അടി താഴ്ചയിൽ കൊല്ലങ്കോട് ഭാഗത്തുള്ള വനമേഖലയിലേക്കാണ് വീണത്.

കാൽവഴുതിയ സന്ദീപിനെ രക്ഷിക്കാൻ ശ്രമിക്കുന്നതിനിടെയാണ് രഘുനന്ദനും വീണത്. ബെംഗളുരുവിൽ ഐടി കമ്പനിയിൽ ജോലി ചെയ്യുന്ന സുഹൃത്തുക്കളുമായാണ് ഇരുവരും നെല്ലിയാമ്പതിയിലെത്തിയത്. കാണാതായവർക്കായി പൊലീസ്, വനം, അഗ്‌നിശമന വിഭാഗങ്ങൾ തിരച്ചിൽ തുടങ്ങി.