മലപ്പുറം: ബൈക്കോടിച്ചുകൊണ്ടിരിക്കെ തലകറങ്ങിവീണ് പരുക്കേറ്റ വേങ്ങര സ്വദേശി മരിച്ചു. വേങ്ങര എസ് .എസ് റോഡിലേ പരേതനായ ചെറുവളപ്പിൽ അബ്ദുറഹ്മാന്റെ മകൻ ഇല്ല്യാസ് (44) ആണ് മരിച്ചത്. വെള്ളിയാഴ്‌ച്ച അപകടം സംഭവിച്ച് ചികിത്സയിലിരിക്കെയാണ് ഇന്നാണ് മരണം സംഭവിച്ചത്.

വെള്ളിയാഴ്‌ച്ച വൈകുന്നേരം ആറ് മണിയോടെ പൂച്ചോലമാട് - വേങ്ങര റോഡിൽ വെട്ടുതോട് ഇറക്കത്തിലാണ് അപകടം. ഇല്യാസ് ഓടിച്ചിരുന്ന ബൈക്കിൽ നിന്ന് തല കറങ്ങി വീഴുകയായിരുന്നുവെന്നാണ് നാട്ടുകാർ പറഞ്ഞത്. തുടർന്നു നാട്ടുകാർ വേങ്ങരയിലെ സ്വകാര്യ ആശുപത്രിയിലും പിന്നീട് കോട്ടക്കൽ ആസ്റ്റർ മിംസ് ആശുപത്രിയിലും എത്തിച്ചെങ്കിലും അബോധാവസ്ഥയിലായിരുന്നു.

ഭാര്യ: ബുശ്റ. മക്കൾ: ഫാത്വിമ ബിൻസിയ, ഫാത്വിമ സനിയ്യ, ഫാത്വിമ ഹാദിയ, മുഹമ്മദ് സിയാൻ. മൃതദേഹം തിരൂരങ്ങാടി താലൂക്ക് ആശുപത്രിയിൽ പോസ്റ്റ്മോർട്ടത്തിന് ശേഷം ഞായറാഴ്ച ഖബറടക്കും.

 

ബൈക്കപകടം