കെഎസ്ആർടിസി ബസ് മറിഞ്ഞ് പത്ത് പേർക്ക് പരിക്ക്; അപകടം കുന്ദമംഗലത്തിനും താമരശേരിക്കും ഇടയിൽ

കോഴിക്കോട്: കോഴിക്കോട്ട് കെഎസ്ആർടിസി ബസ് മറിഞ്ഞ് പത്ത് പേർക്ക് പരിക്ക്. കുന്ദമംഗലത്തിനും താമരശേരിക്കും ഇടയിൽ ചൂലാംമൈലിൽ നിയന്ത്രണം തെറ്റിയ കെഎസ്ആർടിസി ഓട്ടോറിക്ഷകളിലിടിച്ച് മറിയുകയായിരുന്നു.

വയനാട്ടിൽ നിന്ന് കോഴിക്കോട്ടേക്ക് വന്ന ബസാണ് അപകടത്തിൽപ്പെട്ടത്. പരിക്കേറ്റവരെ കോഴിക്കോട് മെഡിക്കൽ കോളജ് ആശുപത്രിയിൽ പ്രവേശിപ്പിച്ചു. അൻപതോളം യാത്രക്കാർ ബസിലുണ്ടായിരുന്നു. ആരുടെയും പരിക്ക് ഗുരുതരമല്ലെന്നാണ് പ്രാഥമിക വിവരം.