കൽപ്പറ്റയിൽ ബൈക്കും കാറും കൂട്ടിയിടിച്ചു; രണ്ടുയുവാക്കൾ മരിച്ചു

കൽപ്പറ്റ: കൈനാട്ടിയിൽ ബൈക്കും കാറും കൂട്ടിയിടിച്ചുണ്ടായ അപകടത്തിൽ യുവാക്കൾ മരിച്ചു. മേപ്പാടി വിത്തുകാട് സ്വദേശികളായ കള്ളിവളപ്പിൽ ഗിരീഷിന്റെ മകൻ വിഷ്ണു (20), മംഗളത്തൊടിയിൽ ഷോബിനിയുടെ മകൻ സിബിത്ത് കുമാർ (23) എന്നിവരാണ് മരിച്ചത്.

വൈകുന്നേരം 5.30-ഓടെയായിരുന്നു അപകടം. ഗുരുതരമായി പരിക്കേറ്റ വിഷ്ണുവിനെയും, സിബിത്തിനെയും കൽപ്പറ്റയിലെ സ്വകാര്യ ആശുപത്രിയിൽ പ്രവേശിപ്പിച്ചെങ്കിലും ജീവൻ രക്ഷിക്കാനായില്ല.